Bókaormar framtíðarinnar fjölmenntu í útgáfuhóf Íris Hauksdóttir skrifar 23. nóvember 2023 18:01 Margt var um manninn í útgáfuboði Sokkalabbanna. „Við erum í skýjunum með viðtökurnar,“ segir rithöfundurinn Bergrún Íris en hún ásamt leikaranum Þorvaldi Davíð fögnuðu útgáfu bókarinnar Sokkalabbarnir nýverið. „Við fögnuðum í góðra vina hópi á Shake & Pizza, og gætum ekki verið ánægðari.“ Sjálf kemur Bergrún Íris að útgáfu fjögurra bóka þetta árið. „Já, ég er dálítið ofvirk,“ segir Bergrún og hlær. „Þetta er hins vegar fyrsta bók Þorvaldar og það var ótrúlega gaman að búa til bók með einhverjum sem hefur ekki gert það áður. Ég fæ að upplifa spennuna í kringum útgáfuferlið alveg upp á nýtt, og þessa einstöku gleðina sem blossar upp þegar maður fær brakandi nýtt eintak í hendurnar, beint úr prentsmiðjunni.“ Flestir þekkja hausverkinn að para saman sokka Bók Þorvaldar Davíðs og Bergrúnar Írisar ber heitið Sokkalabbarnir og fjallar um ævintýraveröld fyllta litríkum sokkum. „Við Þorvaldur erum bæði foreldrar og þekkjum vel hausverkinn sem fylgir því að reyna að para saman sokka. Svo vorum við að hlæja að þessu og velta fyrir okkur hvort allir þurfi endilega að vera hluti af pari, hvort það sé svo slæmt að vera einstakur. Í Sokkalöbbunum kynnumst við Bjarti, sem ferðast úr þvottavélinni yfir í nýja veröld, þar sem hann upplifir það í fyrsta sinn að vera með augu, munn og tilfinningar.“ Fyrst og fremst skemmtilestur Þorvaldi Davíð og Bergrúnu Írisi þykir báðum mikilvægt að hlustað sé á raddir barna og þau fái tækifæri til að upplifa tilfinningar sínar án þess að vera sagt að harka af sér eða jafna sig. „Börnum er gjarnan send þau skilaboð að tilfinningar séu ýmist góðar eða slæmar, æskilegar eða óæskilegar. Í bókinni læra Sokkalabbarnir inn á tilfinningar sínar, í gegnum samskipti og hversdagslega árekstra í Sokkalabbaskólanum. Bókin er fyrst og fremst skemmtilestur en ef hún hjálpar einhverjum börnum að skilja tilfinningar sínar betur þá er það stórkostlegt.“ Bergrún Íris segir samstarfið hafa gengið vel og von sé á fleiri bókum um Sokkalabbana. „Já, en ekki bara fleiri bókum, því Þorvaldur kemur inn með víðamikla reynslu úr sjónvarpi og leikhúsi, og því borðleggjandi að Sokkalabbarnir skemmti börnum einn daginn á skjám allra landsmanna.“ Hér fyrir neðan má sjá myndir frá útgáfuboðinu. Höfundar bókarinnar stilltu sér upp með dóttur Þorvaldar, Emelíu Sól.Rakel Ósk Sigurðardóttir Teikingar bókarinnar eru eftir Bergrúnu Írisi en hún hefur myndlýst ríflega 60 bækur.Rakel Ósk Sigurðardóttir Sylvía Rut Sigfúsdóttir mætti með syni sínum, Baldri Frey Snorrasyni.Rakel Ósk Sigurðardóttir Þorvaldur Davíð áritaði fjölda bóka fyrir gesti útgáfuboðsins.Rakel Ósk Sigurðardóttir Ljúf stemning skapaðist í boðinu.Rakel Ósk Sigurðardóttir Bergrún hafði stillt upp sérstakri Sokkalabba-smiðju þar sem gestir gátu búið til sinn eigin Sokkalabba.Rakel Ósk Sigurðardóttir Upplestur höfundanna hélt áhorfendum hugföngnum.Rakel Ósk Sigurðardóttir Emma Dögg Ingvadóttir var spennt fyrir nýju bókinni sinni.Rakel Ósk Sigurðardóttir Foreldar Bergrúnar komu færandi hendi í boðið.Rakel Ósk Sigurðardóttir Nóg var að gera við áritunarborðið.Rakel Ósk Sigurðardóttir Embla Bachmann, ungur og upprennandi rithöfundur, lét sig ekki vanta.Rakel Ósk Sigurðardóttir Sokkabrúðurnar voru litríkar og fjölbreyttar.Rakel Ósk Sigurðardóttir Flugstjórinn Ásgeir vandaði sig mikið við að lita mynd af Sokkalöbbunum.Rakel Ósk Sigurðardóttir Ekki gátu allir gestir beðið eftir að komast heim með bókina, áður en byrjað var að lesa.Rakel Ósk Sigurðardóttir Bókmenntir Bókaútgáfa Samkvæmislífið Krakkar Mest lesið Ofboðslega stolt af dóttur sinni Lífið Klæddu sig upp sem frambjóðendur Lífið „Ef við erum lausnamiðuð þá sköpum við tækifærin“ Lífið Bannaði Snorra að kjósa Arnar Þór Lífið Myndaveisla: Rosaleg stemming í kosningavökunum Lífið „Svo góð tilfinning að endurheimta sjálfa sig“ Tónlist Tvöföld veisla hjá Gnarr feðgum Lífið Davíð Helgason og Isabella eignuðust dreng Lífið Krakkatían: Forsetaefni, Disney og tónlist Lífið „Býr ekki lítil kerling innra með okkur öllum?“ Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira
„Við fögnuðum í góðra vina hópi á Shake & Pizza, og gætum ekki verið ánægðari.“ Sjálf kemur Bergrún Íris að útgáfu fjögurra bóka þetta árið. „Já, ég er dálítið ofvirk,“ segir Bergrún og hlær. „Þetta er hins vegar fyrsta bók Þorvaldar og það var ótrúlega gaman að búa til bók með einhverjum sem hefur ekki gert það áður. Ég fæ að upplifa spennuna í kringum útgáfuferlið alveg upp á nýtt, og þessa einstöku gleðina sem blossar upp þegar maður fær brakandi nýtt eintak í hendurnar, beint úr prentsmiðjunni.“ Flestir þekkja hausverkinn að para saman sokka Bók Þorvaldar Davíðs og Bergrúnar Írisar ber heitið Sokkalabbarnir og fjallar um ævintýraveröld fyllta litríkum sokkum. „Við Þorvaldur erum bæði foreldrar og þekkjum vel hausverkinn sem fylgir því að reyna að para saman sokka. Svo vorum við að hlæja að þessu og velta fyrir okkur hvort allir þurfi endilega að vera hluti af pari, hvort það sé svo slæmt að vera einstakur. Í Sokkalöbbunum kynnumst við Bjarti, sem ferðast úr þvottavélinni yfir í nýja veröld, þar sem hann upplifir það í fyrsta sinn að vera með augu, munn og tilfinningar.“ Fyrst og fremst skemmtilestur Þorvaldi Davíð og Bergrúnu Írisi þykir báðum mikilvægt að hlustað sé á raddir barna og þau fái tækifæri til að upplifa tilfinningar sínar án þess að vera sagt að harka af sér eða jafna sig. „Börnum er gjarnan send þau skilaboð að tilfinningar séu ýmist góðar eða slæmar, æskilegar eða óæskilegar. Í bókinni læra Sokkalabbarnir inn á tilfinningar sínar, í gegnum samskipti og hversdagslega árekstra í Sokkalabbaskólanum. Bókin er fyrst og fremst skemmtilestur en ef hún hjálpar einhverjum börnum að skilja tilfinningar sínar betur þá er það stórkostlegt.“ Bergrún Íris segir samstarfið hafa gengið vel og von sé á fleiri bókum um Sokkalabbana. „Já, en ekki bara fleiri bókum, því Þorvaldur kemur inn með víðamikla reynslu úr sjónvarpi og leikhúsi, og því borðleggjandi að Sokkalabbarnir skemmti börnum einn daginn á skjám allra landsmanna.“ Hér fyrir neðan má sjá myndir frá útgáfuboðinu. Höfundar bókarinnar stilltu sér upp með dóttur Þorvaldar, Emelíu Sól.Rakel Ósk Sigurðardóttir Teikingar bókarinnar eru eftir Bergrúnu Írisi en hún hefur myndlýst ríflega 60 bækur.Rakel Ósk Sigurðardóttir Sylvía Rut Sigfúsdóttir mætti með syni sínum, Baldri Frey Snorrasyni.Rakel Ósk Sigurðardóttir Þorvaldur Davíð áritaði fjölda bóka fyrir gesti útgáfuboðsins.Rakel Ósk Sigurðardóttir Ljúf stemning skapaðist í boðinu.Rakel Ósk Sigurðardóttir Bergrún hafði stillt upp sérstakri Sokkalabba-smiðju þar sem gestir gátu búið til sinn eigin Sokkalabba.Rakel Ósk Sigurðardóttir Upplestur höfundanna hélt áhorfendum hugföngnum.Rakel Ósk Sigurðardóttir Emma Dögg Ingvadóttir var spennt fyrir nýju bókinni sinni.Rakel Ósk Sigurðardóttir Foreldar Bergrúnar komu færandi hendi í boðið.Rakel Ósk Sigurðardóttir Nóg var að gera við áritunarborðið.Rakel Ósk Sigurðardóttir Embla Bachmann, ungur og upprennandi rithöfundur, lét sig ekki vanta.Rakel Ósk Sigurðardóttir Sokkabrúðurnar voru litríkar og fjölbreyttar.Rakel Ósk Sigurðardóttir Flugstjórinn Ásgeir vandaði sig mikið við að lita mynd af Sokkalöbbunum.Rakel Ósk Sigurðardóttir Ekki gátu allir gestir beðið eftir að komast heim með bókina, áður en byrjað var að lesa.Rakel Ósk Sigurðardóttir
Bókmenntir Bókaútgáfa Samkvæmislífið Krakkar Mest lesið Ofboðslega stolt af dóttur sinni Lífið Klæddu sig upp sem frambjóðendur Lífið „Ef við erum lausnamiðuð þá sköpum við tækifærin“ Lífið Bannaði Snorra að kjósa Arnar Þór Lífið Myndaveisla: Rosaleg stemming í kosningavökunum Lífið „Svo góð tilfinning að endurheimta sjálfa sig“ Tónlist Tvöföld veisla hjá Gnarr feðgum Lífið Davíð Helgason og Isabella eignuðust dreng Lífið Krakkatían: Forsetaefni, Disney og tónlist Lífið „Býr ekki lítil kerling innra með okkur öllum?“ Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira