Brotnaði illa í sleðaferð Jón Þór Stefánsson skrifar 11. mars 2024 15:49 Ragnheiður segist strax hafa áttað sig á því að hún kæmist ekki á sleðanum til baka. Hér sést hún liggjandi úti í móa beinbrotin. Brosandi, enda ekki þekkt fyrir annað. „Ég er búin að vera að hjúkra í þrjátíu ár og hef aldrei lent hinum megin við borðið. Það er ánægjulegt að upplifa það,“ segir Ragnheiður Ósk Erlendsdóttir, framkvæmdastjóri hjúkrunar hjá Heilsugæslu höfuðborgarsvæðisins, en hún lenti í slysi um helgina. Ragnheiður fótbrotnaði í vélsleðaferð sem hún fór í ásamt nokkrum vinum sínum út í Fjörður og Þönglabakka á norðurlandi síðastliðinn föstudag. Fann strax að hún væri brotin „Það var dásamlegt veður þarna á föstudeginum, og við vorum bara að fara þarna rólega yfir, en svo bara gerast stundum slysin og óhöppin. Ég missi sleðann á fótinn á mér. Ég fann strax að ég er brotinn. Fóturinn var laus, hann dinglaði bara. Ég sá strax að ég kæmist ekki á sleðanum til baka. Þetta er töluvert löng leið.“ Í samtali við Vísi segir Ragnheiður að hún telji að slysið hafi átt sér stað um fjögurleytið á föstudaginn. Vinir hennar hafi hringt í 112, og hún hafi sjálf fengið að tala við viðbragðsaðila í símann og lýst áverkum sínum. „Það var dásamlegt veður þarna á föstudeginum,“ segir Ragnheiður um sleðaferðina. „Það gekk fínt. Það lá strax fyrir að líklega yrði þyrlan send og líka að sjúkraflutningamenn kæmu frá Akureyri. Björgunarsveitin á Grenivík ferjaði þá yfir. Mér fannst líða ótrúlega stuttur tími þangað til þeir voru komnir. Hún segir þá hafa gefið sér verkjalyf og tekist að spelka fótinn og gera hann stöðugan. „Þeir sáu að beinbrotið var opið þannig það var hægt að búa um sárið. Þeir gáfu mér verkjalyf og vökva í æð. Við svona erfiðar aðstæður fannst mér þetta ótrúlega fagleg og flott vinnubrögð.“ Ragnheiður telur að klukkutími hafi liðið frá slysinu þangað til að fyrstu viðbragðsaðilar komu, og einn og hálfur tími þangað til þyrlan kom að sækja hana. Við komuna á SAK þurfti að mynda brotið og síðan fór Ragnheiður í aðgerð.Aðsend Hún minnist á að sjúkraflutningaskóli sé við Háskólann á Akureyri. „Þetta er greinilega flott nám. Það var mjög áhugavert að fylgjast með þessu á vettvangi, bara úti í móa. Þeir eru bæði með tæki til að mæla lífsmörk, ástandið á manni og hitabúnað.“ Sjúkraflugið gekk eins og í sögu að sögn Ragnheiðar. Annar slasaður einstaklingur var sóttur í Þorvaldsdalinn í leiðinni. Síðan var farið á Sjúkrahúsið á Akureyri. „Við tók ákveðið mat. Það þurfti auðvitað að mynda fótinn, og svo fór ég mjög fljótlega í aðgerð þar sem að pinnar voru settir til að festa brotið, þannig að það væri ekkert að dingla. Það var settur pinni í gegnum sköflunginn og hælbeinið,“ segir Ragnheiður. Hún tekur fram að hún sé líka gríðarlega ánægð með vinnubrögðin á SAK. „Alúðin og fagmennskan og fumlaus vinnubrögð á allan máta. Þannig ég ætla ekki að kvarta. Alls ekki.“ Nú þarf fóturinn að jafna sig áður en fer í aðra aðgerð og því þarf Ragnheiður að bíða í nokkra daga í viðbót eftir því. Ragnheiður telur að klukkutími hafi liðið frá slysinu þangað til fyrstu viðbragðsaðilar komu, en hún hrósar þeim hástert.Aðsend „Eins og að vera á fjögurra stjörnu hóteli“ „Á meðan er ég hér. Ég segi að þetta sé eins og að vera á fjögurra stjörnu hóteli. Maturinn er góður og meira að segja kaffið. Það er alveg dásamlegt að vera hér. Svo er útsýnið alveg geggjað.“ Ragnheiður segir að hún ætli ekki að segja að þessi góða reynsla komi sér ánægjulega á óvart, þar sem hún viti að heilbrigðiskerfið sé gott. Líkt og áður segir hefur hún starfað í heilbrigðiskerfinu um áratugaskeið og segist ekki hafa lent þessum megin borðsins áður. Þess má geta að árið 2021 valdi fréttastofa Stöðvar 2, Vísis og Bylgjunnar Ragnheiði sem mann ársins, en hún leiddi starfsfólk heilsugæslu höfuðborgarsvæðisins við að bólusetja nær alla þjóðina. „Það er svo margt jákvætt í heilbrigðiskerfinu, margt sem er svo vel gert. Auðvitað er alltaf eitthvað sem má gera betur. En það er líka mikilvægt að halda því til haga að kerfið getur verið frábært og grípur mann þegar á þarf að halda. Þannig ég er full þakklætis,“ segir Ragnheiður. Heilbrigðismál Akureyri Björgunarsveitir Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Íransforseti fórst í þyrluslysinu Erlent Leitin enn ekki borið árangur Erlent Tveir látnir og fimm saknað eftir slys í Dóná Erlent Diddy biðst afsökunar á „ófyrirgefanlegri hegðun“ Erlent Frambjóðendur geti nýtt sér skoðanakannanir Innlent Varasamt að ferðast á sumardekkjum í kvöld Innlent Forsetavaktin 2024: Hver verður sjöundi forseti lýðveldisins? Innlent Áfall þegar samskipti Katrínar og Kára voru birt Innlent Stuðningur Katrínar við sóttvarnarlækni sjálfsagður Innlent Sat saklaus í unglingafangelsi í tvö ár Innlent Fleiri fréttir Sat saklaus í unglingafangelsi í tvö ár Frambjóðendur geti nýtt sér skoðanakannanir Glæsilegt fuglasafn í veiðihúsinu við Hítará Varasamt að ferðast á sumardekkjum í kvöld Óttast um afdrif Íransforseta og ferðaveðrið í beinni Stuðningur Katrínar við sóttvarnarlækni sjálfsagður „Fólk er bara að bíða“ Tveir prestar og tveir djáknar vígðir í Skálholti Lægð yfir landinu og snjókoma fyrir norðan Áfall þegar samskipti Katrínar og Kára voru birt Aukin skjálftavirkni og erjur um Erfðagreiningu Örlítil aukning í skjálftavirkni undir Svartsengi Forsetakosningar, mansal og samningar Reykjavíkur við olíufélögin Segir Helgu fara með rangt mál Þekkir dæmi um endalaus uppköst og garnalömun vegna lyfjanna Konurnar hafi gert allt til að setja ekki svartan blett á starfsemina Með vopn og fíkniefni í útistöðum við dyravörð Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Sjá meira
Ragnheiður fótbrotnaði í vélsleðaferð sem hún fór í ásamt nokkrum vinum sínum út í Fjörður og Þönglabakka á norðurlandi síðastliðinn föstudag. Fann strax að hún væri brotin „Það var dásamlegt veður þarna á föstudeginum, og við vorum bara að fara þarna rólega yfir, en svo bara gerast stundum slysin og óhöppin. Ég missi sleðann á fótinn á mér. Ég fann strax að ég er brotinn. Fóturinn var laus, hann dinglaði bara. Ég sá strax að ég kæmist ekki á sleðanum til baka. Þetta er töluvert löng leið.“ Í samtali við Vísi segir Ragnheiður að hún telji að slysið hafi átt sér stað um fjögurleytið á föstudaginn. Vinir hennar hafi hringt í 112, og hún hafi sjálf fengið að tala við viðbragðsaðila í símann og lýst áverkum sínum. „Það var dásamlegt veður þarna á föstudeginum,“ segir Ragnheiður um sleðaferðina. „Það gekk fínt. Það lá strax fyrir að líklega yrði þyrlan send og líka að sjúkraflutningamenn kæmu frá Akureyri. Björgunarsveitin á Grenivík ferjaði þá yfir. Mér fannst líða ótrúlega stuttur tími þangað til þeir voru komnir. Hún segir þá hafa gefið sér verkjalyf og tekist að spelka fótinn og gera hann stöðugan. „Þeir sáu að beinbrotið var opið þannig það var hægt að búa um sárið. Þeir gáfu mér verkjalyf og vökva í æð. Við svona erfiðar aðstæður fannst mér þetta ótrúlega fagleg og flott vinnubrögð.“ Ragnheiður telur að klukkutími hafi liðið frá slysinu þangað til að fyrstu viðbragðsaðilar komu, og einn og hálfur tími þangað til þyrlan kom að sækja hana. Við komuna á SAK þurfti að mynda brotið og síðan fór Ragnheiður í aðgerð.Aðsend Hún minnist á að sjúkraflutningaskóli sé við Háskólann á Akureyri. „Þetta er greinilega flott nám. Það var mjög áhugavert að fylgjast með þessu á vettvangi, bara úti í móa. Þeir eru bæði með tæki til að mæla lífsmörk, ástandið á manni og hitabúnað.“ Sjúkraflugið gekk eins og í sögu að sögn Ragnheiðar. Annar slasaður einstaklingur var sóttur í Þorvaldsdalinn í leiðinni. Síðan var farið á Sjúkrahúsið á Akureyri. „Við tók ákveðið mat. Það þurfti auðvitað að mynda fótinn, og svo fór ég mjög fljótlega í aðgerð þar sem að pinnar voru settir til að festa brotið, þannig að það væri ekkert að dingla. Það var settur pinni í gegnum sköflunginn og hælbeinið,“ segir Ragnheiður. Hún tekur fram að hún sé líka gríðarlega ánægð með vinnubrögðin á SAK. „Alúðin og fagmennskan og fumlaus vinnubrögð á allan máta. Þannig ég ætla ekki að kvarta. Alls ekki.“ Nú þarf fóturinn að jafna sig áður en fer í aðra aðgerð og því þarf Ragnheiður að bíða í nokkra daga í viðbót eftir því. Ragnheiður telur að klukkutími hafi liðið frá slysinu þangað til fyrstu viðbragðsaðilar komu, en hún hrósar þeim hástert.Aðsend „Eins og að vera á fjögurra stjörnu hóteli“ „Á meðan er ég hér. Ég segi að þetta sé eins og að vera á fjögurra stjörnu hóteli. Maturinn er góður og meira að segja kaffið. Það er alveg dásamlegt að vera hér. Svo er útsýnið alveg geggjað.“ Ragnheiður segir að hún ætli ekki að segja að þessi góða reynsla komi sér ánægjulega á óvart, þar sem hún viti að heilbrigðiskerfið sé gott. Líkt og áður segir hefur hún starfað í heilbrigðiskerfinu um áratugaskeið og segist ekki hafa lent þessum megin borðsins áður. Þess má geta að árið 2021 valdi fréttastofa Stöðvar 2, Vísis og Bylgjunnar Ragnheiði sem mann ársins, en hún leiddi starfsfólk heilsugæslu höfuðborgarsvæðisins við að bólusetja nær alla þjóðina. „Það er svo margt jákvætt í heilbrigðiskerfinu, margt sem er svo vel gert. Auðvitað er alltaf eitthvað sem má gera betur. En það er líka mikilvægt að halda því til haga að kerfið getur verið frábært og grípur mann þegar á þarf að halda. Þannig ég er full þakklætis,“ segir Ragnheiður.
Heilbrigðismál Akureyri Björgunarsveitir Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Íransforseti fórst í þyrluslysinu Erlent Leitin enn ekki borið árangur Erlent Tveir látnir og fimm saknað eftir slys í Dóná Erlent Diddy biðst afsökunar á „ófyrirgefanlegri hegðun“ Erlent Frambjóðendur geti nýtt sér skoðanakannanir Innlent Varasamt að ferðast á sumardekkjum í kvöld Innlent Forsetavaktin 2024: Hver verður sjöundi forseti lýðveldisins? Innlent Áfall þegar samskipti Katrínar og Kára voru birt Innlent Stuðningur Katrínar við sóttvarnarlækni sjálfsagður Innlent Sat saklaus í unglingafangelsi í tvö ár Innlent Fleiri fréttir Sat saklaus í unglingafangelsi í tvö ár Frambjóðendur geti nýtt sér skoðanakannanir Glæsilegt fuglasafn í veiðihúsinu við Hítará Varasamt að ferðast á sumardekkjum í kvöld Óttast um afdrif Íransforseta og ferðaveðrið í beinni Stuðningur Katrínar við sóttvarnarlækni sjálfsagður „Fólk er bara að bíða“ Tveir prestar og tveir djáknar vígðir í Skálholti Lægð yfir landinu og snjókoma fyrir norðan Áfall þegar samskipti Katrínar og Kára voru birt Aukin skjálftavirkni og erjur um Erfðagreiningu Örlítil aukning í skjálftavirkni undir Svartsengi Forsetakosningar, mansal og samningar Reykjavíkur við olíufélögin Segir Helgu fara með rangt mál Þekkir dæmi um endalaus uppköst og garnalömun vegna lyfjanna Konurnar hafi gert allt til að setja ekki svartan blett á starfsemina Með vopn og fíkniefni í útistöðum við dyravörð Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Sjá meira