Vildi fá ökuréttindi án þess að taka prófið og réðst á mann Árni Sæberg skrifar 21. mars 2024 21:07 Höfuðstöðvar Frumherja við Hestháls. vísir/vilhelm Erlendur karlmaður hefur verið dæmdur í fjórtán mánaða fangelsi fyrir fjölda brota. Hann var meðal annars fundinn sekur um hrinda manni sem reyndi að róa hann niður eftir að starfsmaður Frumherja neitaði að veita honum ökuréttindi án þess að hann tæki bílpróf. Hann var einnig sakfelldur fyrir að senda sprengjuhótanir. Í dómi Héraðsdóms Reykjaness, sem kveðinn var upp þann 14. mars en birtur í dag, segir að maðurinn hafi verið ákærður fyrir umferðarlagabrot, líkamsárás, brot gegn valdstjórninni, með því að hrækja á lögreglumann, og brot gegn valdstjórninni, með því að hafa í tvígang gabbað lögreglu með fölskum sprengjuhótunum. Ekki í fyrsta sinn sem maðurinn krafðist þess að fá ökuréttindi Í ákærunni sem varðar líkamsárás segir að maðurinn hafi veist með ofbeldi að manni og hrint honum með því að ýta með báðum höndum í brjóstkassa hans svo hann féll aftur fyrir sig á sófa með þeim afleiðingum að hann hlaut mar á mjóbaki og mjaðmagrind og tognun og ofreynslu á lendarhrygg. Í dóminum er haft eftir starfsmanni Frumherja að maðurinn hafi verið mjög æstur og með ógnandi hegðun og farið fram á að hún myndi stimpla fyrir sig með tilteknum hætti. Hann hafi „verið á öskrinu“ og hafi hún vísað honum út. Maður sem setið hafi fyrir aftan ákærða og beðið afgreiðslu hafi staðið upp og beðið manninn um að róa sig, en hann hafi snúið sér að manninum, tekið í peysu hans og hrint honum á sófa og tré. Þetta hafi ekki verið í fyrsta skiptið sem maðurinn kæmi að starfstöð Frumherja í sömu erindagjörðum og starfsfólkið hafi þekkt hann. Ákvað að veita starfsfólkinu liðsinni Eftir brotaþolanum er haft að hann hafi verið á vettvangi til að gangast undir ökupróf. Hann hefði beðið í móttökunni og verið í símanum þegar maður hefði komið inn og vitnið hefði heyrt „hvernig hann var að móðga konu sem var þar í móttökunni“. Aðrir starfsmenn hefðu farið út. Maðurinn hefði verið öskrandi. Hann hefði séð „að enginn er að gera neitt“ og hefði hann staðið upp og snert manninn með vinstri hönd sinni á öxl hans, eins og „til að snúa honum frá konunni“, og sagt honum að hætta. Maðurinn hefði ýtt honum frá af miklum krafti. Hann hefði dottið á sófa sem þarna hefði verið og farið á plöntu við hlið hans og á gólfið. Plantan hefði brotnað. Hann hefði fengið verk í bakið af þessu. Niðurstaða dómsins var sú að með vísan til framburðar brotaþola og vitna og upptöku úr öryggismyndavél væri talið sannað að maðurinn hefði gerst sekur um þá háttsemi sem honum var gefið að sök í ákæru. Rýmdu lögreglustöðina Sem áður segir var maðurinn einnig ákærður fyrir að gabba lögreglu með því að senda sprengjuhótanir. Um þá ákæru hefur ítarlega verið fjallað. Ákæra var gefin út á hendur manninum í lok nóvember síðastliðins. Í ákærunni sagði að maðurinn væri ákærður fyrir brot gegn valdstjórninni og að gabba lögreglu, og að reyna að gabba lögreglu, með því hafa sent tvo tölvupósta að kvöldi 23. febrúar árið 2023. Þeir hljóða svo: „Eins og ríkið veit mun sprengjan springa í dag. Segið lögreglunni að sprengjan sé með gildrum í fimm kílómetra radíus. Vitið til, ef þið komið nálægt mér mun ég bjóða ykkur upp á allt það sem ég hef sankað að mér í lengri tíma. Kveðja, maðurinn sem meinar það sem hann segir.“ „Staðurinn er morandi í sprengjum, höfuð ykkar og hjörtu barna ykkar munu springa.“ Í niðurstöðu héraðsdóms segir að fyrir liggi að maðurinn hafi sent tölvubréfin úr farsíma sínum. „Augljóst er að á lögreglustöð og í ráðhúsinuer þess að vænta að staddir séu opinberir starfsmenn að sinna starfi sínu. Skilaboð á þá leið sem rakið hefur verið, um sprengjur á nánar greindum stöðum,verður að skilja sem hótun en ekki aðeins saklausar upplýsingar.“ Því var maðurinn sakfelldur fyrir að gabba lögreglu og að reyna að gabba lögreglu. Með brotaferil að baki Maðurinn var sömuleiðis sakfelldur fyrir umferðarlagabrot og að hafa hrækt á lögregluþjón á lögreglustöð. Með vísan til nokkuð umfangsmikils brotaferils var maðurinn dæmdur til fjórtán mánaða óskilorðsbundinnar fangelsisvistar. Til frádráttar henni kemur tveggja mánaða gæsluvarðhaldsvist hans. Þá var honum gert að greiða málsvarnarlaun skipaðs verjanda síns, 1,1 milljón króna. Dóm Héraðsdóms Reykjaness má lesa hér. Dómsmál Reykjanesbær Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Áfall þegar samskipti Katrínar og Kára voru birt Innlent Þekkir dæmi um endalaus uppköst og garnalömun vegna lyfjanna Innlent Forsetavaktin 2024: Hver verður sjöundi forseti lýðveldisins? Innlent Konurnar hafi gert allt til að setja ekki svartan blett á starfsemina Innlent „Fólk er bara að bíða“ Innlent Bæjarstjóri sakaður um að vera njósnari: „Enginn veit hver hún er“ Erlent Íranski forsetinn í óljósu þyrluslysi Erlent Segir Helgu fara með rangt mál Innlent Horfa á bíómyndir og senda tölvupósta á meðan þeir keyra Innlent Færeyingar draga í land með ferðamannaskatt Erlent Fleiri fréttir Óttast um afdrif Íransforseta og ferðaveðrið í beinni Stuðningur Katrínar við sóttvarnarlækni sjálfsagður „Fólk er bara að bíða“ Tveir prestar og tveir djáknar vígðir í Skálholti Lægð yfir landinu og snjókoma fyrir norðan Áfall þegar samskipti Katrínar og Kára voru birt Aukin skjálftavirkni og erjur um Erfðagreiningu Örlítil aukning í skjálftavirkni undir Svartsengi Forsetakosningar, mansal og samningar Reykjavíkur við olíufélögin Segir Helgu fara með rangt mál Þekkir dæmi um endalaus uppköst og garnalömun vegna lyfjanna Konurnar hafi gert allt til að setja ekki svartan blett á starfsemina Með vopn og fíkniefni í útistöðum við dyravörð Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Sjá meira
Í dómi Héraðsdóms Reykjaness, sem kveðinn var upp þann 14. mars en birtur í dag, segir að maðurinn hafi verið ákærður fyrir umferðarlagabrot, líkamsárás, brot gegn valdstjórninni, með því að hrækja á lögreglumann, og brot gegn valdstjórninni, með því að hafa í tvígang gabbað lögreglu með fölskum sprengjuhótunum. Ekki í fyrsta sinn sem maðurinn krafðist þess að fá ökuréttindi Í ákærunni sem varðar líkamsárás segir að maðurinn hafi veist með ofbeldi að manni og hrint honum með því að ýta með báðum höndum í brjóstkassa hans svo hann féll aftur fyrir sig á sófa með þeim afleiðingum að hann hlaut mar á mjóbaki og mjaðmagrind og tognun og ofreynslu á lendarhrygg. Í dóminum er haft eftir starfsmanni Frumherja að maðurinn hafi verið mjög æstur og með ógnandi hegðun og farið fram á að hún myndi stimpla fyrir sig með tilteknum hætti. Hann hafi „verið á öskrinu“ og hafi hún vísað honum út. Maður sem setið hafi fyrir aftan ákærða og beðið afgreiðslu hafi staðið upp og beðið manninn um að róa sig, en hann hafi snúið sér að manninum, tekið í peysu hans og hrint honum á sófa og tré. Þetta hafi ekki verið í fyrsta skiptið sem maðurinn kæmi að starfstöð Frumherja í sömu erindagjörðum og starfsfólkið hafi þekkt hann. Ákvað að veita starfsfólkinu liðsinni Eftir brotaþolanum er haft að hann hafi verið á vettvangi til að gangast undir ökupróf. Hann hefði beðið í móttökunni og verið í símanum þegar maður hefði komið inn og vitnið hefði heyrt „hvernig hann var að móðga konu sem var þar í móttökunni“. Aðrir starfsmenn hefðu farið út. Maðurinn hefði verið öskrandi. Hann hefði séð „að enginn er að gera neitt“ og hefði hann staðið upp og snert manninn með vinstri hönd sinni á öxl hans, eins og „til að snúa honum frá konunni“, og sagt honum að hætta. Maðurinn hefði ýtt honum frá af miklum krafti. Hann hefði dottið á sófa sem þarna hefði verið og farið á plöntu við hlið hans og á gólfið. Plantan hefði brotnað. Hann hefði fengið verk í bakið af þessu. Niðurstaða dómsins var sú að með vísan til framburðar brotaþola og vitna og upptöku úr öryggismyndavél væri talið sannað að maðurinn hefði gerst sekur um þá háttsemi sem honum var gefið að sök í ákæru. Rýmdu lögreglustöðina Sem áður segir var maðurinn einnig ákærður fyrir að gabba lögreglu með því að senda sprengjuhótanir. Um þá ákæru hefur ítarlega verið fjallað. Ákæra var gefin út á hendur manninum í lok nóvember síðastliðins. Í ákærunni sagði að maðurinn væri ákærður fyrir brot gegn valdstjórninni og að gabba lögreglu, og að reyna að gabba lögreglu, með því hafa sent tvo tölvupósta að kvöldi 23. febrúar árið 2023. Þeir hljóða svo: „Eins og ríkið veit mun sprengjan springa í dag. Segið lögreglunni að sprengjan sé með gildrum í fimm kílómetra radíus. Vitið til, ef þið komið nálægt mér mun ég bjóða ykkur upp á allt það sem ég hef sankað að mér í lengri tíma. Kveðja, maðurinn sem meinar það sem hann segir.“ „Staðurinn er morandi í sprengjum, höfuð ykkar og hjörtu barna ykkar munu springa.“ Í niðurstöðu héraðsdóms segir að fyrir liggi að maðurinn hafi sent tölvubréfin úr farsíma sínum. „Augljóst er að á lögreglustöð og í ráðhúsinuer þess að vænta að staddir séu opinberir starfsmenn að sinna starfi sínu. Skilaboð á þá leið sem rakið hefur verið, um sprengjur á nánar greindum stöðum,verður að skilja sem hótun en ekki aðeins saklausar upplýsingar.“ Því var maðurinn sakfelldur fyrir að gabba lögreglu og að reyna að gabba lögreglu. Með brotaferil að baki Maðurinn var sömuleiðis sakfelldur fyrir umferðarlagabrot og að hafa hrækt á lögregluþjón á lögreglustöð. Með vísan til nokkuð umfangsmikils brotaferils var maðurinn dæmdur til fjórtán mánaða óskilorðsbundinnar fangelsisvistar. Til frádráttar henni kemur tveggja mánaða gæsluvarðhaldsvist hans. Þá var honum gert að greiða málsvarnarlaun skipaðs verjanda síns, 1,1 milljón króna. Dóm Héraðsdóms Reykjaness má lesa hér.
Dómsmál Reykjanesbær Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Áfall þegar samskipti Katrínar og Kára voru birt Innlent Þekkir dæmi um endalaus uppköst og garnalömun vegna lyfjanna Innlent Forsetavaktin 2024: Hver verður sjöundi forseti lýðveldisins? Innlent Konurnar hafi gert allt til að setja ekki svartan blett á starfsemina Innlent „Fólk er bara að bíða“ Innlent Bæjarstjóri sakaður um að vera njósnari: „Enginn veit hver hún er“ Erlent Íranski forsetinn í óljósu þyrluslysi Erlent Segir Helgu fara með rangt mál Innlent Horfa á bíómyndir og senda tölvupósta á meðan þeir keyra Innlent Færeyingar draga í land með ferðamannaskatt Erlent Fleiri fréttir Óttast um afdrif Íransforseta og ferðaveðrið í beinni Stuðningur Katrínar við sóttvarnarlækni sjálfsagður „Fólk er bara að bíða“ Tveir prestar og tveir djáknar vígðir í Skálholti Lægð yfir landinu og snjókoma fyrir norðan Áfall þegar samskipti Katrínar og Kára voru birt Aukin skjálftavirkni og erjur um Erfðagreiningu Örlítil aukning í skjálftavirkni undir Svartsengi Forsetakosningar, mansal og samningar Reykjavíkur við olíufélögin Segir Helgu fara með rangt mál Þekkir dæmi um endalaus uppköst og garnalömun vegna lyfjanna Konurnar hafi gert allt til að setja ekki svartan blett á starfsemina Með vopn og fíkniefni í útistöðum við dyravörð Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Sjá meira