Viðskipti innlent

Tekur við stöðu rekstrar­stjóra Stöðvar 2

Atli Ísleifsson skrifar
Sigurður Amlín.
Sigurður Amlín. Aðsend

Sigurður Amlín Magnússon hefur verið ráðinn í nýtt hlutverk rekstrarstjóra hjá Stöð 2.

Í tilkynningu segir að hann verði hluti af stjórnendateymi Stöðvar 2 og heyri beint undir Evu Georgs Ásudóttur, sjónvarpsstjóra Stöðvar 2.

„Sigurður hefur starfað hjá félögum innan Sýnar frá árinu 2006, lengst af fyrir Vodafone en nú síðast sem forstöðumaður á sviði Fjármála og stefnumótunar. Sigurður er reyndur stjórnandi með víðtæka reynslu af fjarskipta og fjölmiðlamarkaði. Hann er með sterkan bakgrunn í sölu- og markaðsmálum, tekju- og virðisstýringu, áætlanagerð, vörustýringu og stefnumótun. 

Haft er eftir Evu að Sigurður Amlín sé með einstaka þekkingu sem stjórnandi, bæði úr fjarskipta- og fjölmiðlaheiminum. „Ég er gríðarlega spennt að fá hann til liðs við frábæran hóp Stöðvar 2. Ég hef trú á því að þekking hans, reynsla og metnaður komi til með að styrkja rekstrareininguna til muna," segir Eva. 

Þá er haft eftir Sigurði að það séu spennandi tímar fram undan hjá Stöð 2. „Ég hlakka til þess að takast á við nýtt hlutverk með því frábæra fólki sem vinnur fyrir Stöð 2,“ segir Sigurður.

Fjölmiðlar Sýn Vistaskipti

Tengdar fréttir

Sýn skiptir miðlum upp í tvær rekstrareiningar

Ný rekstrareining sem ber heitið „Vefmiðlar og útvarp“ hefur verið mynduð hjá Sýn í kjölfar kaupanna á Já.is. Þar undir fellur rekstur Vísis, tengdra vefsíðna, rekstur Bylgjunnar og annarra útvarpsstöðva. Stöð 2 verður sjálfstæð rekstrareining við breytingarnar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið