Viðskipti innlent

Ráðin fram­kvæmda­stjóri Rue de Net

Atli Ísleifsson skrifar
Guðrún Einarsdóttir.
Guðrún Einarsdóttir. Aðsend

Guðrún Einarsdóttir hefur verið ráðin framkvæmdastjóri hugbúnaðarfyrirtækisins Rue de Net og tekur hún við starfinu af Alfred B. Þórðarsyni sem mun taka við nýju hlutverki sem tæknistjóri Rue de Net og leiða nýsköpun og vöruþróun.

Frá þessu segir í tilkynningu. Þar kemur fram að Guðrún sé viðskiptafræðingur frá Háskóla Íslands og hafi undanfarin sautján ár gegnt fjölbreyttum stjórnunarstörfum. 

„Hún var meðal lykilstjórnenda hjá Nova í 12 ár og var fyrsti mannauðsstjóri WOW air. Á árunum 2019–2023 starfaði hún sem forstöðumaður markaðsmála og þjónustu hjá Orku náttúrunnar og sat þar í framkvæmdastjórn. Síðastliðið ár hefur Guðrún verið sjálfstætt starfandi ráðgjafi,“ segir í tilkynningunni.

Rue de Net sérhæfir sig í alhliða viðskiptalausnum í skýinu, lausnum á borð við Business Central og LS Central ásamt því að þróa eigin hugverk. Um 40 manns starfa hjá fyrirtækinu.

Vistaskipti


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið