Innlent

Katrín leiðir í nýrri könnun Prósents

Rafn Ágúst Ragnarsson skrifar
Fylgi Höllu Hrundar í vikulegum könnunum Prósents hefur dvínað ansi hratt síðustu vikur.
Fylgi Höllu Hrundar í vikulegum könnunum Prósents hefur dvínað ansi hratt síðustu vikur. Vísir/Vilhelm

Katrín Jakobsdóttur, fyrrverandi forsætisráðherra, leiðir í nýjustu könnun Prósent með 22,1 prósenta fylgi. Halla Hrund Logadóttir orkumálastjóri mælist með tæp tuttugu prósent sem er talsvert tap frá síðustu könnun Prósents. Baldur Þórhallsson mælist með 18,2 prósenta fylgi.

Frá þessu greinir Morgunblaðið.

Halla Tómasdóttir er með 16,2 prósent. Hún hefur verulega bætt við sig í könnunum síðustu vikna og fer nú fram úr Jóni Gnarr sem mælist með 13,4 prósent. Á eftir þeim fylgir Arnar Þór Jónsson lögmaður með sex prósent en aðrir frambjóðendur mælast með um eða undir einu prósenti. 

Er þetta í fyrsta sinn sem Katrín Jakobsdóttir er efst í vikulegum fylgismælingum Prósents fyrir Morgunblaðið. Bilið milli fjögurra efstu frambjóðendanna er aðeins um sex prósentustig.

Forsetakosningar 2024 Skoðanakannanir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið