Gæti reynst falinn fjarsjóður Tómas Þór Þórðarson skrifar 19. júní 2015 06:00 Kim og Andrea ásamt Úlfari Hinrikssyni, þjálfari U21-árs landsliðsins. vísir/stefán Stúlkurnar í U17 ára landsliði kvenna komu saman í gær og æfðu við Kórinn í Kópavogi, en á mánudaginn hefja þær leik í úrslitakeppni Evrópumótsins sem haldið er á Íslandi að þessu sinni. Ísland er í virkilega erfiðum riðli með Evrópumeisturum Þýskalands, Spánar og Englands. Það verður því við ramman reip að draga, en íslenska liðið hefur fengið „liðsstyrk“, ef þannig má að orði komast, fyrir mótið. Í hópnum er stúlka að nafni Kim Olafsson Gunnlaugsson sem á íslenskan föður og móður frá Lúxemborg. Hún spilar með gríðarlega sterku unglingaliði Evrópumeistara Frankfurt.Markahæst í Þýskalandi „Hún er íslenskur ríkisborgari en búsett í Lúxemborg. pabbi hennar hafði samband síðasta sumar og lét vita af henni og þá kom í ljós að stelpan var bara virkilega spræk í fótbolta. Ég hef ekki tekið hana með í landsleik enn þá en ákvað að taka hana inn í þennan hóp,“ segir Úlfar Hinriksson, þjálfari liðsins, við Fréttablaðið. Kim býr nú í Frankfurt þar sem hún stundar nám og spilar fótbolta með yngri liðum FFC Frankfurt. Hún er mikill markaskorari og er markahæst í norðurdeild U17 deild Þýskalands. „Ég hef horft á DVD af henni og svo æfði hún með Stjörnunni síðasta sumar,“ segir Úlfar, en vonandi er þarna kominn framtíðarmarkaskorari A-landsliðsins.Sum símtöl skila sér Kim er ekki eina stúlkan í hópnum sem gæti reynst falinn fjársjóður til framtíðar. Andrea Celeste Thorisson, leikmaður Svíþjóðarmeistara FC Rosengård, sem er liðið sem landsliðsfyrirliðinn Sara Björk Gunnarsdóttir leikur með, fær einnig tækifæri til að láta ljós sitt skína á stóra sviðinu. „Hún er allt öðruvísi leikmaður en þær íslensku og hefur t.a.m. gríðarlega mikla stjórn með boltann við fæturna. Þetta er stelpa sem Þóra Björg og Sara Björk vísuðu á sem og Hlynur Birgisson,“ segir Úlfar, en Andrea á íslenskan föður en móður frá Perú. Andrea hefur verið viðloðandi U17 ára liðið í eitt ár og spilað ellefu leiki. Hún skoraði þrennu gegn Færeyjum í apríl í fyrra. „KSÍ fær svona fyrirspurnir út um allt og ég er beðinn um að fylgja þeim eftir. Úr sumu verður ekkert en stundum fáum við leikmenn eins og Andreu og Kim,“ segir Úlfar.Margar fá séns Fleiri dæmi eru um slíkar stúlkur sem hafa ekki búið hérlendis, ýmist aldrei eða ekki í fjölda ára, sem fá tækifæri með U17. „Eftir því sem íslenska útrásin eykst erlendis fjölgar þessum stúlkum. Hanna Hannesdóttir, sem spilar með KR í Pepsi-deildinni, er búsett í Bandaríkjunum og svo er Elma Mekkín Dervic að fara með okkur á Norðurlandamótið. Hún býr í Noregi“ segir Úlfar,. „Við æfum svo lítið að við viljum taka þessar stelpur blint með í verkefni bara eins og Dagbjörtu Ínu, dóttur Guðjóns Vals, sem var með okkur á dögunum,“ segir Úlfar, sem vill gefa sem flestum tækifæri í U17 ára liðinu. „Við erum að nota 21-30 leikmenn á ári. Við reyndum að halda kjarnanum af þessum bestu leikmönnum en annars hrærum við mikið til og leyfum mörgum að spila. Þessir afburðaleikmenn eins og Margrét Lára, sem var farin að spila með A-landsliðinu á þessum aldri, eru ekki til lengur eða fer allavega fækkandi,“ segir Úlfar.Fá fjölmiðlakennslu Þrátt fyrir að verkefnið sé erfitt á mótinu sjálfu segir Úlfar hug vera í stelpunum að gera vel. „Það verður svo bara að koma í ljós hvort hraðinn hjá þessum þjóðum sem við spilum við verði of mikill eða hvort við náum að aðlagast þessu strax,“ segir hann. Undirbúningurinn er kominn á fullt og snýst hann ekki bara um að æfa sig í fótbolta. „Við fáum starfsmann frá KSÍ sem ætlar að kenna stúlkunum aðeins á það hvernig skal tækla fjölmiðla. Það þarf að búa þær undir athyglina sem þær vonandi fá og þegar þær fá símtöl. Það er bara verið að kenna þeim að hugsa og haga sér eins og atvinnumenn og A-landsliðskonur,“ segir Úlfar Hinriksson. Íslenski boltinn Mest lesið Keppinautur Antons í stóru lyfjahneyksli sem komið er á borð FBI Sport Ældi tvisvar þegar kærastan mætti í fyrsta sinn á leik Sport Pabbinn telur að bænirnar hafi komið til bjargar Fótbolti ÍR og Grindavík sendu skýr skilaboð Íslenski boltinn Hetja Tyrkja í bann fyrir úlfafagnið Fótbolti Óskar Hrafn ráðinn yfirmaður knattspyrnumála hjá KR Fótbolti Emi Martinez bjargaði Messi þegar Argentína vann í vító Fótbolti Stelpurnar hans Þóris völtuðu yfir ólympíumeistarana Handbolti Andrea og Arnar langfyrst á Akureyri Sport Kom Ronaldo til varnar: Er ekki í lagi að gráta? Fótbolti Fleiri fréttir ÍR og Grindavík sendu skýr skilaboð Dýrmætur sigur Þórs en toppliðið skoraði ekki Liðsfélagar Helga skjóta hann í hausinn: „Ég þarf að ræða við þá eða drulla mér í burtu bara“ „Eru örugglega að leita sér að einhverju fersku“ Sjáðu sextán ára stelpu koma meisturunum til bjargar Uppgjörið, viðtöl og myndir: Víkingur - Stjarnan 1-1 (5-4) | Víkingar í úrslit enn á ný „Þurfum bara að dekka í svona leikatriðum“ Uppgjörið: Valur - Þróttur 1-0 | Dramatískur sigur Íslandsmeistaranna Uppgjörið: Þór/KA - FH 0-1 | Ída Marín tryggði sigur gestanna Víkingar geta náð því sem enginn hefur gert í sextíu ár Sjáðu markið sem skilaði Stjörnunni fyrsta sigrinum í fimm leikjum „Bæði lið gátu klárlega stolið þessu í dag“ Uppgjör og viðtöl: Fylkir-Víkingur R. 0-0 | Ekkert mark í baráttuleik Hallgrímur: Við hefðum getað skorað sjö mörk Uppgjör og viðtöl: KA - Valur 3-2 | KA sló út Val og komst í bikarúrslitin annað árið í röð Uppgjör og viðtöl: Tindastóll - Breiðablik 0-1 | Andrea Rut hetja Blika á Króknum Uppgjör: Stjarnan-Keflavík 1-0 | Sigur í fyrsta leik nýja þjálfarans „Við Olla erum enn vinkonur, er það ekki?“ Telma ekki efst þrátt fyrir að fá varla á sig mark „Takk fyrir að berjast alltaf fyrir okkur stelpunum“ Fagnaði markinu með því að þykjast kasta vatnsbrúsa Uppgjör: Víkingur R. - Fram 2-1 | Meistararnir héldu út Evrópubikarmeistarinn skoraði tvö mörk í fjórðu deildinni „Það væri gaman að fylla Laugardalsvöllinn og ég held að það sé alveg möguleiki“ Uppgjör og viðtöl: Valur - Þróttur 3-0 | Valskonur í bikarúrslit Pálmi klárar tímabilið með KR Sjáðu dramatíkina á Akranesi og hvernig FH og KA unnu sína leiki Uppgjör: Þór/KA 1-2 Breiðablik | Írena kom Blikum í bikarúrslitin með marki beint úr horni „Fannst við vera betri allan leikinn“ Uppgjör og viðtöl: HK - KA 1-2 | KA sloppið úr fallsæti eftir tvo sigra í röð Sjá meira
Stúlkurnar í U17 ára landsliði kvenna komu saman í gær og æfðu við Kórinn í Kópavogi, en á mánudaginn hefja þær leik í úrslitakeppni Evrópumótsins sem haldið er á Íslandi að þessu sinni. Ísland er í virkilega erfiðum riðli með Evrópumeisturum Þýskalands, Spánar og Englands. Það verður því við ramman reip að draga, en íslenska liðið hefur fengið „liðsstyrk“, ef þannig má að orði komast, fyrir mótið. Í hópnum er stúlka að nafni Kim Olafsson Gunnlaugsson sem á íslenskan föður og móður frá Lúxemborg. Hún spilar með gríðarlega sterku unglingaliði Evrópumeistara Frankfurt.Markahæst í Þýskalandi „Hún er íslenskur ríkisborgari en búsett í Lúxemborg. pabbi hennar hafði samband síðasta sumar og lét vita af henni og þá kom í ljós að stelpan var bara virkilega spræk í fótbolta. Ég hef ekki tekið hana með í landsleik enn þá en ákvað að taka hana inn í þennan hóp,“ segir Úlfar Hinriksson, þjálfari liðsins, við Fréttablaðið. Kim býr nú í Frankfurt þar sem hún stundar nám og spilar fótbolta með yngri liðum FFC Frankfurt. Hún er mikill markaskorari og er markahæst í norðurdeild U17 deild Þýskalands. „Ég hef horft á DVD af henni og svo æfði hún með Stjörnunni síðasta sumar,“ segir Úlfar, en vonandi er þarna kominn framtíðarmarkaskorari A-landsliðsins.Sum símtöl skila sér Kim er ekki eina stúlkan í hópnum sem gæti reynst falinn fjársjóður til framtíðar. Andrea Celeste Thorisson, leikmaður Svíþjóðarmeistara FC Rosengård, sem er liðið sem landsliðsfyrirliðinn Sara Björk Gunnarsdóttir leikur með, fær einnig tækifæri til að láta ljós sitt skína á stóra sviðinu. „Hún er allt öðruvísi leikmaður en þær íslensku og hefur t.a.m. gríðarlega mikla stjórn með boltann við fæturna. Þetta er stelpa sem Þóra Björg og Sara Björk vísuðu á sem og Hlynur Birgisson,“ segir Úlfar, en Andrea á íslenskan föður en móður frá Perú. Andrea hefur verið viðloðandi U17 ára liðið í eitt ár og spilað ellefu leiki. Hún skoraði þrennu gegn Færeyjum í apríl í fyrra. „KSÍ fær svona fyrirspurnir út um allt og ég er beðinn um að fylgja þeim eftir. Úr sumu verður ekkert en stundum fáum við leikmenn eins og Andreu og Kim,“ segir Úlfar.Margar fá séns Fleiri dæmi eru um slíkar stúlkur sem hafa ekki búið hérlendis, ýmist aldrei eða ekki í fjölda ára, sem fá tækifæri með U17. „Eftir því sem íslenska útrásin eykst erlendis fjölgar þessum stúlkum. Hanna Hannesdóttir, sem spilar með KR í Pepsi-deildinni, er búsett í Bandaríkjunum og svo er Elma Mekkín Dervic að fara með okkur á Norðurlandamótið. Hún býr í Noregi“ segir Úlfar,. „Við æfum svo lítið að við viljum taka þessar stelpur blint með í verkefni bara eins og Dagbjörtu Ínu, dóttur Guðjóns Vals, sem var með okkur á dögunum,“ segir Úlfar, sem vill gefa sem flestum tækifæri í U17 ára liðinu. „Við erum að nota 21-30 leikmenn á ári. Við reyndum að halda kjarnanum af þessum bestu leikmönnum en annars hrærum við mikið til og leyfum mörgum að spila. Þessir afburðaleikmenn eins og Margrét Lára, sem var farin að spila með A-landsliðinu á þessum aldri, eru ekki til lengur eða fer allavega fækkandi,“ segir Úlfar.Fá fjölmiðlakennslu Þrátt fyrir að verkefnið sé erfitt á mótinu sjálfu segir Úlfar hug vera í stelpunum að gera vel. „Það verður svo bara að koma í ljós hvort hraðinn hjá þessum þjóðum sem við spilum við verði of mikill eða hvort við náum að aðlagast þessu strax,“ segir hann. Undirbúningurinn er kominn á fullt og snýst hann ekki bara um að æfa sig í fótbolta. „Við fáum starfsmann frá KSÍ sem ætlar að kenna stúlkunum aðeins á það hvernig skal tækla fjölmiðla. Það þarf að búa þær undir athyglina sem þær vonandi fá og þegar þær fá símtöl. Það er bara verið að kenna þeim að hugsa og haga sér eins og atvinnumenn og A-landsliðskonur,“ segir Úlfar Hinriksson.
Íslenski boltinn Mest lesið Keppinautur Antons í stóru lyfjahneyksli sem komið er á borð FBI Sport Ældi tvisvar þegar kærastan mætti í fyrsta sinn á leik Sport Pabbinn telur að bænirnar hafi komið til bjargar Fótbolti ÍR og Grindavík sendu skýr skilaboð Íslenski boltinn Hetja Tyrkja í bann fyrir úlfafagnið Fótbolti Óskar Hrafn ráðinn yfirmaður knattspyrnumála hjá KR Fótbolti Emi Martinez bjargaði Messi þegar Argentína vann í vító Fótbolti Stelpurnar hans Þóris völtuðu yfir ólympíumeistarana Handbolti Andrea og Arnar langfyrst á Akureyri Sport Kom Ronaldo til varnar: Er ekki í lagi að gráta? Fótbolti Fleiri fréttir ÍR og Grindavík sendu skýr skilaboð Dýrmætur sigur Þórs en toppliðið skoraði ekki Liðsfélagar Helga skjóta hann í hausinn: „Ég þarf að ræða við þá eða drulla mér í burtu bara“ „Eru örugglega að leita sér að einhverju fersku“ Sjáðu sextán ára stelpu koma meisturunum til bjargar Uppgjörið, viðtöl og myndir: Víkingur - Stjarnan 1-1 (5-4) | Víkingar í úrslit enn á ný „Þurfum bara að dekka í svona leikatriðum“ Uppgjörið: Valur - Þróttur 1-0 | Dramatískur sigur Íslandsmeistaranna Uppgjörið: Þór/KA - FH 0-1 | Ída Marín tryggði sigur gestanna Víkingar geta náð því sem enginn hefur gert í sextíu ár Sjáðu markið sem skilaði Stjörnunni fyrsta sigrinum í fimm leikjum „Bæði lið gátu klárlega stolið þessu í dag“ Uppgjör og viðtöl: Fylkir-Víkingur R. 0-0 | Ekkert mark í baráttuleik Hallgrímur: Við hefðum getað skorað sjö mörk Uppgjör og viðtöl: KA - Valur 3-2 | KA sló út Val og komst í bikarúrslitin annað árið í röð Uppgjör og viðtöl: Tindastóll - Breiðablik 0-1 | Andrea Rut hetja Blika á Króknum Uppgjör: Stjarnan-Keflavík 1-0 | Sigur í fyrsta leik nýja þjálfarans „Við Olla erum enn vinkonur, er það ekki?“ Telma ekki efst þrátt fyrir að fá varla á sig mark „Takk fyrir að berjast alltaf fyrir okkur stelpunum“ Fagnaði markinu með því að þykjast kasta vatnsbrúsa Uppgjör: Víkingur R. - Fram 2-1 | Meistararnir héldu út Evrópubikarmeistarinn skoraði tvö mörk í fjórðu deildinni „Það væri gaman að fylla Laugardalsvöllinn og ég held að það sé alveg möguleiki“ Uppgjör og viðtöl: Valur - Þróttur 3-0 | Valskonur í bikarúrslit Pálmi klárar tímabilið með KR Sjáðu dramatíkina á Akranesi og hvernig FH og KA unnu sína leiki Uppgjör: Þór/KA 1-2 Breiðablik | Írena kom Blikum í bikarúrslitin með marki beint úr horni „Fannst við vera betri allan leikinn“ Uppgjör og viðtöl: HK - KA 1-2 | KA sloppið úr fallsæti eftir tvo sigra í röð Sjá meira