Innlent

Guðrún orðin fyrsti kvenkyns bæjarstjóri Hafnafjarðar

BBI skrifar
Guðrún tekur hýr við lyklunum af sposkum Guðmundi.
Guðrún tekur hýr við lyklunum af sposkum Guðmundi. Mynd/Hafnarfjarðarbær
Guðrún Ágústa Guðmundsdóttir var í dag ráðin bæjarstjóri í Hafnarfirði. Hún tekur við af Guðmundi Rúnari Árnasyni sem hefur verið bæjarstjóri frá því í júlí 2010. Bæjarstjóraskiptin eru hluti af samkomulagi sem meirihluti Samfylkingar og Vinstri grænna í Hafnarfirði gerðu í upphafi kjörtímabilsins.

Guðrún er fyrst kvenna í 104 ára sögu bæjarins til að gegna stöðu bæjarstjóra. Guðmundur Rúnar hefur þegar afhent Guðrúnu Ágústu lyklana af ráðhúsinu og mun hún mæta til vinnu kl. 08.00 í fyrramálið.

Undanfarin ár hefur Guðrún starfað sem sviðsstjóri fjölmiðlagreina við Flensborgarskólann í Hafnarfirði ásamt því að vera bæjarfulltrúi fyrir Vinstri græna. Guðrún Ágústa hefur setið í bæjarstjórn síðan 2006, verið formaður bæjar- og fjölskylduráðs og formaður í stjórn Strætó.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×