Innlent

Henti þremur kettlingum út úr bílnum

Íbúi í Keflavík hafði samband við lögregluna á Suðurnesjum í vikunni vegna þess að bifreið hafði staðnæmst við lóðina hjá honum og þar henti ökumaður hennar út þremur litlum kettlingum.

Hann ók síðan á brott og skildi þá eftir. Íbúanum tókst þegar að handsama tvær af litlu kisunum, en sú þriðja hafði þá smokrað sér í burtu.

Lögregla hafði samband við Heilbrigðiseftirlit Suðurnesja, sem lét sækja kettlingana.

Þetta ofangreinda athæfi er brot á lögum um dýravernd og vitað hver þar var að verki. Málið er í hefðbundnum farvegi hjá lögreglu.

Mest lesið


Fleiri fréttir

Sjá meira


×

Mest lesið