Viðskipti innlent

Höft eru gróðrarstía lögbrota

Semja verður um krónueignir erlendra aðila sem festust hér við innleiðingu gjaldeyrishafta áður en þau verða afnumin, segir aðstoðarseðlabankastjóri. fréttablaðið/GVA
Semja verður um krónueignir erlendra aðila sem festust hér við innleiðingu gjaldeyrishafta áður en þau verða afnumin, segir aðstoðarseðlabankastjóri. fréttablaðið/GVA

Seðlabankinn mun á næstu mánuðum ráðfæra sig við Alþjóðagjaldeyrissjóðinn, aðra ráðgjafa og stjórnvöld um endurskoðun á áætlun um afnám gjaldeyrishafta, að sögn Arnórs Sighvatssonar aðstoðarseðlabankastjóra. Hann segir gjaldeyrishöft brengla efnahagslega hvata, leiða til þess að viðskiptatækifæri glatast og vera gróðrarstíu lögbrota.

Arnór hélt erindi í gær á fundi eignastýringarfyrirtækisins Íslensk verðbréf en þar fjallaði hann um leiðina úr höftunum.

Arnór benti á að óstöðugt skammtímafjármagn, krónueignir í eigu erlendra fjárfesta, skapi ákveðna hættu þegar næstu skref hafta verði afnumin.

„Meðal þess sem kemur til álita er að efna til útboða þar sem erlendum aðilum sem eiga krónueignir gefst kostur á að skipta á þeim og skuldabréfum í erlendum gjaldmiðli, sem gengið geta kaupum og sölum án takmarkana,“ sagði Arnór, en bætti við að sömuleiðis komi til greina að leggja á stiglækkandi útgönguskatt, samhliða eða síðar. Þá megi leita leiða til að beina fjármagninu í innlenda langtímafjárfestingu. - jab





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×