Hús fæst gefins í Grindavík

Tæplega 50 fermetra hús sem stendur á leikvelli í Grindavík fæst gefins. Til stóð að rífa húsið, en í stað þess var ákveðið að gefa það gegn því að viðkomandi aðilar fjarlægi það alfarið á eigin kostnað.

„Við vildum athuga hvort einhver hefði not fyrir það," segir Sigmar B Árnason, byggingafulltrúi Grindavíkur.

Húsið þarfnast viðhalds og fæst gefins í því ástandi sem það er. Nú þegar eru komnir átta manns á lista sem hafa áhuga á að fjarlægja húsið. Til að nálgast frekari upplýsingar má hafa samband við Sigmar byggingafulltrúa í síma 4201100.