Innlent

Ingvi Hrafn um Guðmund: "Hann er hommi, framsóknarhommi“

Ingvi Hrafn Jónsson liggur ekki á skoðunum sínum.
Ingvi Hrafn Jónsson liggur ekki á skoðunum sínum.
„Guðmundur Steingrímsson hefur, alveg frá því hann gekk í Framsóknarflokkinn, verið hommi. Framsóknarhommi. Hann er í flokknum, en er ekki framsóknarmaður; hann er krati ef eitthvað er," sagði Ingvi Hrafn Jónsson, sjónvarpsstjóri ÍNN í viðtali í útvarpsþættinum Reykjavík Síðdegis þar sem Þorgeir Ástvaldsson ræddi við hann um stöðuna innan Framsóknarflokksins.

Ingvi Hrafn sagði úrsögn Guðmundar og nýs stjórnmálaafls á hans vegum dauðdæmt.

„Í mínum bókum er þetta svo dauðadæmt hjá manninum," sagði Ingvi Hrafn og sagði Guðmund „Hamleska tragedíu" og vitnar þar í söguhetjuna Hamlet í leikriti William Shakespeare.

Ingvi Hrafn á þá við að Guðmundur er sonur Steingríms Hermannssonar, sem Ingvi Hrafn hefur talsverða velþóknun á, samkvæmt útvarpsviðtalinu, en Ingvi hefur hinsvegar ekki jafn mikið álit á Guðmundi.

Hann telur Guðmund þó ekki alslæman. „Hann er elskulegur, vel greindur og spilar fjandi vel á hljómborð. Er hann ekki í hljómsveitinni betra en ekkert? Eða var það skárr en ekkert?" spurði Ingvi Hrafn.

Hægt er að hlusta á viðtalið við Ingva Hrafn hér fyrir ofan.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið