Kourtney Kardashian tók vel á því í ræktinni á Hótel Rangá

Stjörnuparið Kim Kardashian og Kanye West komu til Íslands á sunnudagsmorguninn og með í för er einnig Kourtney Kardashian og fjölskylduvinurinn Jonathan Cheban.

Til að byrja með gisti hópurinn á 101 Hótel en í gær gistu þau á Hótel Rangá eftir skemmtilegan dag þar sem þau fóru upp á jökul með þyrlu og skoðuðu Seljalandsfoss.

Tilgangur heimsóknar fjölskyldunnar er að taka upp tónlistarmyndband við eitt af lögunum á nýútkominni plötu Kanye, The Life of Pablo, en á huldu er um hvaða lag er að ræða. Platan kom út 14. febrúar síðastliðinn og er sjöunda plata rapparans.

Í morgun vaknaði Kourtney og skellti sér um leið í ræktina ásamt félaga sínum. Þau tvö æfðu reyndar ekki á líkamsræktarstöð, heldur inni á hótelherberginu og var vel tekið á því.

Frá þessu greinir Kourtney á Snapchat reikningi sínum. Hér að neðan má sjá myndir frá æfingunni en hún var alveg búin á því eftir átökin.