Viðskipti erlent

Krugman með lausnir fyrir Obama

Hagfræðiprófessorinn og Nóbelsverðlaunahafinn Paul Krugman hefur sett fram tvær „skapandi" lausnir fyrir Barack Obama bandaríkjaforseta í deilunum um skuldaþak Bandaríkjanna. Hann segir að þessar lausnir séu innan ramma laganna.

Krugman fjallar um þetta á bloggi sínu í The New York Times. Í fyrsta lagi segir hann að hið opinbera geti slegið platínumynt að verðmæti, segjum, 1.000 milljarða dollara. Núverandi löggjöf takmarkar hvað hið opinbera má prenta af seðlum en segir ekkert til um takmörk á myntsláttu.

Í öðru lagi segir Krugman að með skapandi eignasölu, til dæmis með því að selja Seðlabanka Bandaríkjanna, mætti ná inn 1.000 milljörðum dollara. Í þeim sölusamningum yrði svo ákvæði um að hið opinbera gæti keypt þessar eignir til baka innan 90 daga á 1 dollar.

Krugman segir að hann geri sér grein fyrir að þessar lausnir gætu virst hlægilegar. En það eru deilurnar á bandaríska þinginu einnig.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið