Innlent

Lögreglan braut hugsanlega á mannréttindum í þvagleggsmálinu

Umboðsmaður Alþingis kemst að þeirri niðurstöðu í frumkvæðisathugun sinni að lögreglan á Selfossi hafi brotið á mannréttindum konu sem var neydd til þess að gefa þvagsýni í gegnum þvaglegg.

Málið kom upp árið 2008 þegar konan var stöðvuð á Selfossi grunuð um ölvun. Hún var síðar dæmd í Héraðsdómi Suðurlands fyrir ölvunarakstur.

Í bréfi umboðsmanns, sem er beint til dómsmála- og mannréttindaráðuneytis, segir að lögreglan á Selfossi hafi ekki gætt meðalhófsreglunnar auk þess sem þeir gerðust hugsanlega brotlegir við 3. grein mannréttindasáttmálans. Ákvæðið kveður á um að engan megi beita pyndingum né annarri „ómannúðlegri eða vanvirðandi meðferð" eða refsingu.

Þá kemur fram í álit umboðsmanns að það hefði verið réttara að eingöngu konur hefðu átt að aðstoða við að taka þvagsýnið en svo var ekki í þessu tilfelli.

Umboðsmaður ákvað að skoða málið eftir umfjöllun fjölmiðla um málið. Umboðsmaður telur hinsvegar ekki tilefni til þess að aðhafast frekar.

Þá kom fram að ráðuneytið hefði óskað eftir því við ríkislögmann að hann tæki mál umræddrar konu til meðferðar, kæmi fram rökstudd krafa um slíkt.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×