McManaman: Liverpool getur ekki lengur valið sér hvaða stjóra sem er

Steve McManaman, fyrrum stjarna Liverpool-liðsins, segir þá daga vera liðna þegar Liverpool gat valið sér hvaða stjóra sem er. Liverpool er þessa dagana að leita að eftirmanni Kenny Dalglish sem gerði liðið að deildarmeisturum í vetur en náði aðeins áttunda sætinu í ensku úrvalsdeildinni og var fyrir vikið látinn fara.

„Liverpool getur ekki lengur náð í menn eins og Pep Guardiola eða Jose Mourinho. Svoleiðis ráðningar eru liðin tíð og umræða um slíka menn er bara óraunhæf Auðvitað viljum við fá menn eins og Pep eða Mourinho til Liverpool en við lifum bara í raunveruleikanum," sagði Steve McManaman.

„Ég veit ekki hverjir eru í boði eða hverjir vilja koma. Peningarnir skipta miklu máli ekki síst ef Liverpool þarf að kaupa upp samning hjá einhverjum. Þetta er ekki eins og þetta var fyrir tuttugu árum," sagði McManaman.

„Ég veit að þeir eru að tala við marga stjóra til þess að finna þann rétta í starfið. Roberto Martinez er frábær stjóri og algjör súperstjarna enda góður vinur minn," sagði McManaman í léttum tón.