Messan: Allt annað að sjá Everton

Everton er komið með nýjan stjóra en Roberto Martinez tók við liðinu af David Moyes sem fór til Man. Utd. Martinez gerði Wigan að bikarmeisturum á síðustu leiktíð en liðið féll engu að síður úr deildinni.

"Það er allt annað að sjá liðið. Héldu boltanum betur og voru með flestar sendingar í umferðinni. Fóru hátt með bakverðina og fleira," sagði Bjarni Guðjónsson sem var mjög hrifinn af liðinu.

Þeir félagar í Messunni ræddu um Everton og unglinginn Ross Barkley sem sló í gegn um helgina.

Hægt er að horfa á umræðu um liðið hér að ofan.