Myndir af sigkötlunum í Mýrdalsjökli

Hópur manna, meðal annars á vegum Ferðaklúbbsins 4*4, Landsbjargar og fleiri vinna að gerð jöklakorta fyrir ferðamenn. Af því tilefni flugu þeir Hjörleifur Jóhannesson og Snævarr Guðmundsson yfir Mýrdalsjökul í morgun og tóku myndir af sigkötlunum í Kötluöskjunni sunnanverðri.

„Verið er að klára Mýrdalsjökul, en fyrir eru komnir Langjökull, Vatnajökull og Snæfellsjökull. Kortagerð er í höndum Snævarrs Guðmundssonar.  Athyglisvert er að sjá að jeppaslóð liggur í kant minni sigketilsins en augljóslega er þarna ekki fært í dag," segir Hjörleifur Jóhannesson.

Smelltu á „Horfa á myndskeið með frétt" til að sjá myndskeiðið sem þeir félagarnir gerðu.