Almannavarnir hafa nú aflýst óvissustigi, sem sett var á 1. nóvember vegna atburða í Grímsvötnum en Grímsvatnahlaup, sem hófst í lok október, er nú lokið án þess að eldgos hafi fylgt hlaupinu.
Megnið af hlaupinu rann í Gígjukvísl og náði það hámarki þann 3. nóvember síðastliðinn. Hlaupið var í minna lagi miðað við fyrri Grímsvatnahlaup.
Hlaup úr Grímsvatnakerfinu eru tiltölulega algeng og hafa eldgos fylgt í kjölfar hlaupa sex sinnum. Síðan 2004 hafa GPS mælingar sýnt aukna þenslu undir eldstöðinni í Grímsvötnum.
