Páfinn tekur smokka í sátt

Benedikt XVI páfi segir að notkun smokka sé í sumum tilfellum réttlætanleg, einkum ef tilgangurinn er að draga úr líkum á HIV smiti. Þetta kemur fram í nýrri bók um páfan sem norska blaðið Aftenposten vísar til.

Benedikt páfi sagði í mars 2009 að smokkar hjálpuðu ekki til í baráttunni gegn alnæmifaraldrinum, heldur gerðu aðstæður verri í Afríkuríkjum þar sem sjúkdómurinn er útbreiddur.

Þrátt fyrir að afstaða páfans virðist hafa breyst síðan þá telur hann enn að almenn notkun smokka sé hvorki siðleg né rétt.