Óskað hefur verið eftir heimild borgaryfirvalda til að rífa hús Rammagerðarinnar í Hafnarstræti svo reisa megi þar hótel með 72 herbergjum.
Í erindi til skipulagsfulltrúa segir að sótt sé um að rífa húsið vegna bágs ástands á steypuvirki. Endurbyggja á framhliðina í núverandi mynd. Verslunarrými á jarðhæð á að vera með flötu þaki og 4. hæð inndregin Hafnarstrætismegin.
Eigandi Hafnarstrætis 19 er Suðurhús ehf.
Skipulagsfulltrúi vísaði málinu til Minjastofnunar Íslands.
