Ríkisendurskoðun vill að biskup víki sem formaður Kirkjuráðs

Ríkisendurskoðun vill að biskup víki sem formaður Kirkjuráðs, en það fer með framkvæmdavald í málefnum þjóðkirkjunnar og tekur ýmsar ákvarðanir er varðar fjárhag hennar og rekstur. Þetta kemur fram í skýrslu Ríkisendurskoðunar um þjóðkirkjuna og er birt í dag.

Þar fjallað um nokkra þætti í skipulagi og starfsemi þjóðkirkjunnar. Meðal þess sem Ríkisendurskoðun gagnrýnir er að ekki hafi verið mörkuð heildstæð stefna um starfsemi Biskupsstofu og telur Ríkisendurskoðun brýnt að úr því verði bætt. M.a. þurfi að skilgreina markmið stofunnar og ákveða hvernig mæla eigi árangur hennar. Einnig þurfi að greina á milli trúarlegra málefna annars vegar og rekstrar og fjármála hins vegar í skipulagi hennar.

Því leggur Ríkisendurskoðun til að myndaðar verði tvær sjálfstæðar skipulagseiningar innan Biskupsstofu sem hvor hafi sinn yfirmann.

Svo leggur Ríkisendurskoðun til að umfangsmikil stjórnarstörf biskupsins verði takmörkuð þann tíma sem hann hefur til að sinna meginhlutverki sínu sem faglegur leiðtogi þjóðkirkjunnar. Biskup er forseti Kirkjuráðsins en að mati Ríkisendurskoðunar fer ekki vel á því. Í fyrsta lagi takmarka umfangsmikil stjórnunarstörf þann tíma sem hann hefur til að sinna meginhlutverki sínu sem faglegur leiðtogi þjóðkirkjunnar.

Í öðru lagi er hætta á að biskup þurfi innan ráðsins að úrskurða um mál sem hann hafi áður komið að á lægra stjórnsýslustigi. Ríkisendurskoðun leggur því til að lögum verði breytt og dregið úr skyldum biskups til að sinna fjármálaumsýslu kirkjunnar.

Hann sitji þó áfram í kirkjuráði og hafi þar málfrelsi og tillögurétt en ekki atkvæðisrétt.