Viðskipti erlent

Evrópusambandið gefur Microsoft grænt ljós

Steve Ballmer, forstjóri Microsoft, tilkynnir um kaup hugbúnaðarrisans á Skype.
Steve Ballmer, forstjóri Microsoft, tilkynnir um kaup hugbúnaðarrisans á Skype. mynd/AFP
Microsoft hefur fengið leyfi Framkvæmdarstjórnar Evrópusambandsins til að yfirtaka Skype. Microsoft mun greiða 8.5 milljarða dollara fyrir símaskiptaforritið vinsæla, en notendur forritsins skipta milljónum. Talið er að Microsoft muni nota hugbúnað Skype til að betrumbæta samskipta forrit sitt, Windows Live Messenger, ásamt því að bjóða upp á nýjungar í Office hugbúnaðarpakkanum.

Framkvæmdastjórnin rannsakaði kaupin og telur að Microsoft og Skype séu einungis í samkeppni á sviði myndsímtala. Það séu hins vegar mörg önnur fyrirtæki sem bjóða upp á nýjungar á þeim markaði - þar með talið Google.

Verði kaupin að veruleika þá er yfirtakan sú stærsta sem Microsoft hefur framkvæmt.

Tækni


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið