Samferðamenn Jóns Gnarr um hann: "Hann er óútreiknanlegur, eins og allir vita" Hrund Þórsdóttir skrifar 30. október 2013 18:54 Jón tilkynnti í útvarpsþættinum Tvíhöfða í morgun að hann ætlaði að hætta í pólitík. Hann segir ákvörðunina tekna að vandlega íhuguðu máli en veit ekki hvað tekur við. Hann dreymir um að opna bingóbar. „Það er að segja bar sem er bingó og bar, þar sem þú getur drukkið og spilað bingó. En mér finnst það kannski dálítið mikið vesen svo ég veit ekki hvort ég læt af því verða,“ segir Jón. Hann segir jákvæð samtöl við fólk standa upp úr eftir störf hans í stjórnmálum. „Vinnan er að mörgu leyti uppbyggileg og skemmtileg en mér finnst hlutur leiðinlegra samskipta of mikill.“ Besti flokkurinn mun renna saman við Bjarta framtíð og tilkynnti flokkurinn í dag framboð til borgarstjórnarkosninganna í vor. Hann hyggur jafnframt á framboð víða um land. Jón var vel þekktur sem listamaður og grínisti áður en hann tók við sem borgarstjóri í Reykjavík þann 15. júní árið 2010. Ári fyrr stofnaði hann Besta flokkinn sem fékk 6 borgarstjórnarfulltrúa kjörna. Góðu gengi í kosningunum var fagnað með eftirminnilegum hætti, eins og sjá má í meðfylgjandi sjónvarpsfrétt. Jón hefur verið ötull talsmaður mannréttinda og oft farið óhefðbundnar leiðir til að koma boðskap sínum á framfæri. Heiða Kristín Helgadóttir, stjórnarformaður Bjartrar framtíðar, hefur starfað náið með Jóni og mun áfram vinna með Bjartri framtíð. Sjálf hyggur hún ekki á framboð og hún virðir ákvörðun Jóns. „Það er búið að búa til mjög stórt pláss fyrir okkur hin til að halda áfram og gera mjög góða hluti,“ segir Heiða. S. Björn Blöndal, pólitískur ráðgjafi Jóns, hyggur hins vegar á framboð í vor. „Mér finnst þetta bara góð ákvörðun hjá Jóni, hann veit hvað hann er að gera og við stöndum öll á bak við hann í þessu. Þetta er bara nýtt upphaf,“ segir S. Björn. Hvað finnst þér um þessa ákvörðun Jóns? „Það er gríðarleg eftirsjá að Jóni úr borgarpólitíkinni, það er það sem stendur upp úr,“ segir Dagur B. Eggertsson, formaður borgarráðs. „Ég held að hann skilji eftir sig ákveðna trú á því að stjórnmálin geti endurnýjað sig og það sé hægt að gera þetta nýtt og skemmtilegra, en ég neita því ekki að hann skilur líka eftir sig stórt skarð sem er vandfyllt,“ segir Dagur. „Mér finnst ákvörðun hans kjarkmikil og til marks um að hann er óvenjulegur maður sem gerir óvenjulega hluti ,“ segir Sóley Tómasdóttir, borgarfulltrúi Vinstri grænna. Hvernig var að starfa með Jóni? „Það hefur verið gott,“ segir Sóley. „Hann er skrýtinn en það erum við sjálfsagt öll. Hann er öðruvísi og við höfum tekið upp öðruvísi vinnubrögð í Reykjavík, að hluta til vegna hans,“ segir hún. „Auðvitað hefur okkur greint á í mörgum efnum og ég hef gagnrýnt margt af því sem verið hefur gert á þessu kjörtímabili en það heur auðvitað aldrei snúist um persónuna Jón Gnarr,“ segir Júlíus Vífill Ingvarsson, oddviti borgarstjórnarflokks Sjálfstæðisflokksins. Verður einhver eftirsjá að honum úr pólitíkinni? „Já, hann er auðvitað litríkur stjórnmálamaður,“ segir Júlíus. Snorri Steinþórsson hefur starfað sem kokkur í Ráðhúsinu frá opnun þess. „Ég er bara dálítið svekktur verð ég að segja. Ég hefði alveg verið til í að hafa hann áfram sem borgarstjóra,“ segir Snorri. Hann segir Jón ekki mikinn matmann. „En hann getur dottið í að vera grænmetisæta í mánuð eða tvo en svo fær hann sér hamborgara, franskar og kokteilsósu allt í einu, upp úr þurru. Þannig að hann er óútreiknanlegur, eins og allir vita.“ Mest lesið Getur gosið hvenær sem er Innlent Tók upp þegar hann nauðgaði kærustu sinni í tvígang Innlent Að taka afstöðu er einkamál hvers og eins Innlent Þjófunum yfirsást taska með milljónum króna Innlent Fluttir á sjúkrahús eftir hópslagsmál í miðborginni Innlent Íkveikjan ekki talin hafa beinst að Trump eða réttarhöldunum Erlent Tilkynnti sig tvisvar til barnaverndar til að fá aðstoð fyrir einhverfa dóttur Innlent Pollrólegur í viðtali í 45 metra hæð yfir borginni Innlent Besti vinur úlfanna hlakkar til að tengjast áhorfendum í Hörpu Innlent Bandarísk þota í vandræðum lenti í Keflavík Innlent Fleiri fréttir Fluttir á sjúkrahús eftir hópslagsmál í miðborginni Getur gosið hvenær sem er Að taka afstöðu er einkamál hvers og eins Besti vinur úlfanna hlakkar til að tengjast áhorfendum í Hörpu Pollrólegur í viðtali í 45 metra hæð yfir borginni Tilkynnti sig tvisvar til barnaverndar til að fá aðstoð fyrir einhverfa dóttur Bandarísk þota í vandræðum lenti í Keflavík Þjófunum yfirsást taska með milljónum króna Framkvæmdastjórinn sagður hafa greitt sjálfum sér án heimildar Yfirvofandi eldgos, örvæntingarfull móðir og Hamraborgarþjófarnir Eiga von á öðru eldgosi Maður með kókaín í niðursuðudósum fær mildari dóm Tók upp þegar hann nauðgaði kærustu sinni í tvígang Öllum dómurum skipt út í milljarðamáli fyrrverandi ráðherra Skoðar róttækar breytingar á vaxtabótakerfinu Baldur segir lygasögur ekki hafa nein áhrif á þá Felix Ráðnar aðstoðarmenn nýrrar ríkisstjórnar Átta forsetaefni klár með listana Þórhildur og Heiða María hlutu Hvatningarverðlaun Rannsóknasjóðs Taska stútfull af milljónum króna enn ófundin Ófundin peningataska, aukin spenna í Mið-Austurlöndum og breyting á vaxtabótum Svona var Pallborðið með Baldri, Höllu Hrund og Jóni Guðmundur H. Garðarsson fallinn frá Sakaður um fjölda afbrota: Ungar stúlkur einar heima urðu skelkaðar þegar hann ruddist inn Helga ekki tilbúin að henda inn handklæðinu Kallað út vegna eldamennsku við Stuðlaháls Kæra bónda eftir að 29 naut fundust dauð Straumhvörf í veðrinu Náttúran helsta ástæðan fyrir ferðalögum til Íslands Hættir með Matargjafir á Akureyri með sorg í hjarta Sjá meira
Jón tilkynnti í útvarpsþættinum Tvíhöfða í morgun að hann ætlaði að hætta í pólitík. Hann segir ákvörðunina tekna að vandlega íhuguðu máli en veit ekki hvað tekur við. Hann dreymir um að opna bingóbar. „Það er að segja bar sem er bingó og bar, þar sem þú getur drukkið og spilað bingó. En mér finnst það kannski dálítið mikið vesen svo ég veit ekki hvort ég læt af því verða,“ segir Jón. Hann segir jákvæð samtöl við fólk standa upp úr eftir störf hans í stjórnmálum. „Vinnan er að mörgu leyti uppbyggileg og skemmtileg en mér finnst hlutur leiðinlegra samskipta of mikill.“ Besti flokkurinn mun renna saman við Bjarta framtíð og tilkynnti flokkurinn í dag framboð til borgarstjórnarkosninganna í vor. Hann hyggur jafnframt á framboð víða um land. Jón var vel þekktur sem listamaður og grínisti áður en hann tók við sem borgarstjóri í Reykjavík þann 15. júní árið 2010. Ári fyrr stofnaði hann Besta flokkinn sem fékk 6 borgarstjórnarfulltrúa kjörna. Góðu gengi í kosningunum var fagnað með eftirminnilegum hætti, eins og sjá má í meðfylgjandi sjónvarpsfrétt. Jón hefur verið ötull talsmaður mannréttinda og oft farið óhefðbundnar leiðir til að koma boðskap sínum á framfæri. Heiða Kristín Helgadóttir, stjórnarformaður Bjartrar framtíðar, hefur starfað náið með Jóni og mun áfram vinna með Bjartri framtíð. Sjálf hyggur hún ekki á framboð og hún virðir ákvörðun Jóns. „Það er búið að búa til mjög stórt pláss fyrir okkur hin til að halda áfram og gera mjög góða hluti,“ segir Heiða. S. Björn Blöndal, pólitískur ráðgjafi Jóns, hyggur hins vegar á framboð í vor. „Mér finnst þetta bara góð ákvörðun hjá Jóni, hann veit hvað hann er að gera og við stöndum öll á bak við hann í þessu. Þetta er bara nýtt upphaf,“ segir S. Björn. Hvað finnst þér um þessa ákvörðun Jóns? „Það er gríðarleg eftirsjá að Jóni úr borgarpólitíkinni, það er það sem stendur upp úr,“ segir Dagur B. Eggertsson, formaður borgarráðs. „Ég held að hann skilji eftir sig ákveðna trú á því að stjórnmálin geti endurnýjað sig og það sé hægt að gera þetta nýtt og skemmtilegra, en ég neita því ekki að hann skilur líka eftir sig stórt skarð sem er vandfyllt,“ segir Dagur. „Mér finnst ákvörðun hans kjarkmikil og til marks um að hann er óvenjulegur maður sem gerir óvenjulega hluti ,“ segir Sóley Tómasdóttir, borgarfulltrúi Vinstri grænna. Hvernig var að starfa með Jóni? „Það hefur verið gott,“ segir Sóley. „Hann er skrýtinn en það erum við sjálfsagt öll. Hann er öðruvísi og við höfum tekið upp öðruvísi vinnubrögð í Reykjavík, að hluta til vegna hans,“ segir hún. „Auðvitað hefur okkur greint á í mörgum efnum og ég hef gagnrýnt margt af því sem verið hefur gert á þessu kjörtímabili en það heur auðvitað aldrei snúist um persónuna Jón Gnarr,“ segir Júlíus Vífill Ingvarsson, oddviti borgarstjórnarflokks Sjálfstæðisflokksins. Verður einhver eftirsjá að honum úr pólitíkinni? „Já, hann er auðvitað litríkur stjórnmálamaður,“ segir Júlíus. Snorri Steinþórsson hefur starfað sem kokkur í Ráðhúsinu frá opnun þess. „Ég er bara dálítið svekktur verð ég að segja. Ég hefði alveg verið til í að hafa hann áfram sem borgarstjóra,“ segir Snorri. Hann segir Jón ekki mikinn matmann. „En hann getur dottið í að vera grænmetisæta í mánuð eða tvo en svo fær hann sér hamborgara, franskar og kokteilsósu allt í einu, upp úr þurru. Þannig að hann er óútreiknanlegur, eins og allir vita.“
Mest lesið Getur gosið hvenær sem er Innlent Tók upp þegar hann nauðgaði kærustu sinni í tvígang Innlent Að taka afstöðu er einkamál hvers og eins Innlent Þjófunum yfirsást taska með milljónum króna Innlent Fluttir á sjúkrahús eftir hópslagsmál í miðborginni Innlent Íkveikjan ekki talin hafa beinst að Trump eða réttarhöldunum Erlent Tilkynnti sig tvisvar til barnaverndar til að fá aðstoð fyrir einhverfa dóttur Innlent Pollrólegur í viðtali í 45 metra hæð yfir borginni Innlent Besti vinur úlfanna hlakkar til að tengjast áhorfendum í Hörpu Innlent Bandarísk þota í vandræðum lenti í Keflavík Innlent Fleiri fréttir Fluttir á sjúkrahús eftir hópslagsmál í miðborginni Getur gosið hvenær sem er Að taka afstöðu er einkamál hvers og eins Besti vinur úlfanna hlakkar til að tengjast áhorfendum í Hörpu Pollrólegur í viðtali í 45 metra hæð yfir borginni Tilkynnti sig tvisvar til barnaverndar til að fá aðstoð fyrir einhverfa dóttur Bandarísk þota í vandræðum lenti í Keflavík Þjófunum yfirsást taska með milljónum króna Framkvæmdastjórinn sagður hafa greitt sjálfum sér án heimildar Yfirvofandi eldgos, örvæntingarfull móðir og Hamraborgarþjófarnir Eiga von á öðru eldgosi Maður með kókaín í niðursuðudósum fær mildari dóm Tók upp þegar hann nauðgaði kærustu sinni í tvígang Öllum dómurum skipt út í milljarðamáli fyrrverandi ráðherra Skoðar róttækar breytingar á vaxtabótakerfinu Baldur segir lygasögur ekki hafa nein áhrif á þá Felix Ráðnar aðstoðarmenn nýrrar ríkisstjórnar Átta forsetaefni klár með listana Þórhildur og Heiða María hlutu Hvatningarverðlaun Rannsóknasjóðs Taska stútfull af milljónum króna enn ófundin Ófundin peningataska, aukin spenna í Mið-Austurlöndum og breyting á vaxtabótum Svona var Pallborðið með Baldri, Höllu Hrund og Jóni Guðmundur H. Garðarsson fallinn frá Sakaður um fjölda afbrota: Ungar stúlkur einar heima urðu skelkaðar þegar hann ruddist inn Helga ekki tilbúin að henda inn handklæðinu Kallað út vegna eldamennsku við Stuðlaháls Kæra bónda eftir að 29 naut fundust dauð Straumhvörf í veðrinu Náttúran helsta ástæðan fyrir ferðalögum til Íslands Hættir með Matargjafir á Akureyri með sorg í hjarta Sjá meira