Snjóar og snjóar í Bláfjöllum

Nú kyngir niður snjónum í Bláfjöllum að sögn Einars Bjarnasonar rekstrarstjóra skíðasvæðisins. Starfsmenn eru byrjaðir að troða og nú styttist í að hægt verði að opna eina lyftu fyrir þá sem stunda skipulagðar æfingar.

Að sögn Einars vantar enn töluvert af snjó í Kóngsgilið og upp á hrygginn en snjórinn sem fellur nú er mjög léttur í sér og festist í öllum girðingum. Ef fram heldur sem horfir segir Einar mögulegt að stefna á opnun fyrir almenning í næstu viku.

Þetta lítur því mun betur út en oft áður en Einar segist harma að vera ekki með snjóframleiðslubúnað, þá væri hægt að opna mun fyrr  en ella.