Stærsti amfetamínfundur Íslandssögunnar

Alls var hægt að framleiða 263 kíló af amfetamíni úr amfetamín-vökvanum sem lögreglan lagði hald á í Norrænu 17. júní síðastliðinn. Alls lagði lögreglan hald á 20 lítra af amfetamín-basa.

Fram kom á fréttafundi með yfirmönnum lögreglunnar klukkan fjögur að talið er að ársneysla amfetamíns hér á Íslandi sé um 300 kíló.

Tvær konur voru handteknar við komuna til Seyðisfjarðar. Þær eru báðar á fimmtugsaldrinum. Önnur konan var með fimm ára gamlan son sinn með sér. Hann var sóttur af ættingjum frá Þýskalandi nokkrum dögum síðar.

Barnið dvaldi hjá barnaverndaryfirvöldum áður en það var sótt.