Starfsmaður Lyfja og heilsu dró að sér fé

Starfsmanni í útibúi Lyfja og Heilsu á Suðurlandi hefur verið vísað úr starfi eftir að upp komst að hann hafi stolið umtalsverðri fjárhæð af fyrirtækinu. Eftir því sem næst verður komist stal starfsmaðurinn að minnsta kosti tveimur milljónum króna.

Þjófnaðurinn komst upp fyrir nokkrum vikum síðan og var starfsmaðurinn rekinn í kjölfarið.

Samkvæmt upplýsingum frá Lyfjum og Heilsu hefur starfsmaðurinn ekki verið kærður fyrir þjófnaðinn en málið ku vera í ferli hjá fyrirtækinu.