True Blood parið eignast tvíbura

True Blood parið Anna Paquin og Stephen Moyer sendu frá sér tilkynningu í dag um að þau hefðu nýlega eignast tvíbura.

Í tilkynningunni kom fram að börnin hefðu fæðst nokkrum vikum fyrir tímann en væru við góða heilsu og að foreldrarnir væru í skýjunum.

Þetta eru fyrstu börn leikkonunnar sem er þrítug en Myoer sem er fjörtíu og tveggja ára á tvö börn úr fyrra sambandi.

Parið kynntist við tökur á True Blood þáttunum þar sem þau fara bæði með stór hlutverk.