Innlent

Tveir mánuðir þar til ákvörðun verður tekin um ákæru

Egill Einarsson, betur þekktur sem Gillzenegger.
Egill Einarsson, betur þekktur sem Gillzenegger.
Að minnsta kosti tveir mánuðir eru í að Ríkissaksóknari taki ákvörðun um hvort ákæra verði gefin út í máli Egils Einarssonar, betur þekktum sem Gillzenegger, og unnustu hans, en þau voru kærð fyrir nauðgun á síðasta ári.

Átján ára stúlka kærði Egil og unnustu hans fyrir nauðgun í lok nóvember á síðasta ári en atvikið á að hafa átt sér stað á heimili Egils eftir samkvæmi í miðborginni.

Eftir rannsókn lögreglu var málið sent Ríkissaksóknara um miðjan janúar sem sendi það svo aftur til lögreglu til frekari rannsóknar. Í millitíðinni kærði önnur kona Egil fyrir nauðgun sem sögð er hafa átt sér stað fyrir átta árum.

Málið var svo sent embætti Ríkissaksóknara aftur í byrjun mánaðarins eftir frekari rannsókn



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×