Útgönguspár benda til sigurs Merkel

Fyrstu útgönguspár eftir þingkosningarnar í Þýskalandi sýna að Kristilegir demókratar, flokkur Angelu Merkel, kanslara, hafið fengið 42 prósent atkvæða, mest allra flokka.

Útlit er þó fyrir að ríkisstjórn síðasta kjörtímabils sé fallin þar sem Frjálsir demókratar, samstarflokkur Kristilegra demókrata nær ekki fimm prósenta fylgi sem er nauðsynlegt til að koma að þingmanni.

Líklegt þykir að Merkel muni sækjast eftir samstarfi með Jafnaðarmannaflokknum sem fær 26 prósenta fylgi ef útgönguspáin gengur eftir.