Vilja alheimsástak gegn lifrarbólgu

Sérfræðingar á heilbrigðissviði kalla eftir alheimsátaki til að kljást við veirur sem orsaka lifrarbólgu. Talið er að um 10 milljónir manna í öllum heiminum séu sýktir af lifrarbólgu C en um 1,3 milljónir hafi lifrarbólgu B.

Í grein í læknatímaritinu Lancet segja sérfræðingarnir að einungis lítill hluti þeirra sem gætu nýtt sér lyfjameðferð fái slíka meðferð. Þeir segja jafnframt að einungis eitt af hverjum fimm börnum sem fæðast í heiminum séu bólusett við lifrarbólgu B.

Sérfræðingarnir benda jafnframt á tölur sem sýna að um 67% af sprautufíklum í heiminum hafi fengið lifrabólgu C og um 10% hafi smitast af lifrarbólgu B.