Vinstri grænir reiðir Sigurði Inga

Ungliðahreyfing Vinstri grænna ætlar að efna til mótmæla við setningu ALþingis á þriðjudaginn næstkomandi.

Allir náttúrverndarsinnar eru hvattir til að mæta og láta í sér heyra en tilefnið er vilji Sigurðar Inga Jóhannssónar umhverfis- og auðlindaráðherra til þess að afnema nýsamþykkt náttúruverndarlög.

Ung vinstri græn lýsa yfir vantrausti á Sigurð og segja í harðorðri yfirlýsingu að hugmyndir hans sýni að þar fari maður sem sé óvinur náttúrunnar. Ætli ráðherra sér að afnema lög um náttúruvernd sem ung vinstri græn segja að feli í sér aukinn almannarétt, innleiðingu varúðarreglna og nýjan flokk friðlýstra svæða sé ljóst að enginn Umhverfisráðherra er í sitjandi ríkisstjórn.