Yoko Ono stressuð yfir morgundeginum

Listakonan Yoko Ono og ekkja bítilsins Johns Lennon segir deginum í dag fylgja mikið stress enda skipti hana öllu máli morgundagurinn heppnist vel þegar fólk víða heim heiðrar minningu Lennon. Í tilefni dagsins afhendir hún meðal annars stórstjörnunni Lady Gaga sérstök friðarverðlaun.

Yoko Ono er stödd á landinu í tilefni af því að á morgun verður í sjötta sinn kveikt á Friðarsúlunni í Viðey á afmælisdegi Lennons 9. október. Þá mun hún einnig afhenda fimm alþjóðlegum friðarsinnum viðurkenningu úr LENNONONO-friðarsjóðnum í Hörpu á morgun.

Á meðal þeirra sem hún afhendir viðurkenningu úr LENNONONO-friðarsjóðnum á morgun er söngkonan Lady Gaga. Samkvæmt heimildum fréttastofu þá er hún væntanleg til landsins með einkaþotu um kvöldmatarleytið og mun hún gista á Nordcia hóteli..