Innlent

Konan farin úr landi

Jón Hákon Halldórsson skrifar
Frá leitinni að Matthíasi Mána fyrr í vikunni.
Frá leitinni að Matthíasi Mána fyrr í vikunni.

Konan, sem Matthías Máni Erlingsson var dæmdur fyrir að ráðast á, er farin úr landi með börnum sínum. Þetta staðfestir Arnar Rúnar Marteinsson, aðalvarðstjóri hjá lögreglunni á höfuðborgarsvæðinu.

„Skömmu áður en hann strauk af Litla-Hrauni var hann búinn að hóta henni og börnunum lífláti og eftir að hann slapp þá fór hún huldu höfði og hún er farin úr landi núna,“ segir Arnar Rúnar Marteinsson. Forsendan fyrir stroki Matthíasar sé því algjörlega brostin.

Arnar Rúnar segir jafnframt að konan hafi farið úr landi að eigin frumkvæði en ekki frumkvæði lögreglunnar. Þá segir Arnar að fjölskyldu Matthíasar Mána líði mjög illa núna „Ættingjum hans líður mjög illa að vita af honum bara einhversstaðar yfir jólin,“ segir Arnar. Þau vilji fá hann í öruggt skjól. 

Flótti Matthíasar Mána af Litla-Hrauni
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið