Styttist í að Nuuk fái nýjan alþjóðaflugvöll Kristján Már Unnarsson skrifar 1. apríl 2024 07:27 Í tölvugerðu myndbandi flugvallafélags Grænlendinga er þota frá Icelandair sýnd framan við nýju flugstöðina. Kalaallit Airports Flugvallafélag Grænlands, Kalaallit Airports, hefur formlega gefið út opnunardag nýs alþjóðaflugvallar í Nuuk, höfuðstað Grænlands. Stóri dagurinn verður eftir átta mánuði, 28. nóvember 2024. Þetta er fimm árum eftir að flugvallargerðin hófst og meira en árs seinkun frá upphaflegri áætlun. Með opnun flugvallarins verður bylting í samgöngumálum Grænlendinga. Nuuk tekur þá við hlutverki Kangerlussuaq sem aðalflugvöllur þessa næsta nágrannalands Íslendinga. Þar með verður hægt að hefja beint þotuflug milli langstærsta bæjar Grænlands og umheimsins. Frá flugvallargerðinni í Nuuk. Nýja flugbrautin er að hluta komin í notkun vinstra megin. Nýja flugstöðin til hægri.Kalaallit Airports Nýi flugturninn í Nuuk.Kalaallit Airports Airbus A330-þota Air Greenland hefur til þessa eingöngu flogið áætlunarflug milli Kaupmannahafnar og Kangerlussuaq, áður Syðri-Straumfjarðar. Þaðan hafa millilandafarþegar síðan þurft að fara með minni vélum til Nuuk og annarra byggða. Gamla flugbrautin í Nuuk var aðeins 950 metra löng. Stærstu farþegavélar sem núna geta notað völlinn eru Dash 8 Q200, sem taka innan við fjörutíu farþega. Bæði Air Greenland og Icelandair, áður Flugfélag Íslands, hafa einmitt nýtt þá tegund í áætlunarflugi til Nuuk. Nýja flugbrautin verður 2.200 metra löng. Það þýðir að algengustu farþegaþotur, eins og Boeing 737 og Airbus A320, geta notað völlinn. Sömuleiðis breiðþotur eins og Airbus A330 og Boeing 767 með litlum takmörkunum. Tíu mínútna langt tölvugert myndband af flugvellinum fullbúnum má sjá hér: Samhliða er unnið að gerð tveggja annarra alþjóðaflugvalla á Grænlandi, í Ilulissat við Diskó-flóa og Qaqortoq á Suður-Grænlandi. Þeim framkvæmdum hefur einnig seinkað. Núna er vonast til að 2.200 metra flugbraut í Ilulissat verði tilbúin árið 2025 og 1.500 metra flugbraut í Qaqortoq í kringum áramótin 2025 og 2026. Flugvallagerðin er mesta innviðauppbygging í sögu landsins. Með komu nýju flugvallanna sjá Grænlendingar fram á að erlendum ferðamönnum fjölgi og ferðaþjónusta eflist, eins og borgarstjóri Nuuk lýsti í þessari frétt árið 2017: Jafnframt skapast betri möguleikar til að flytja út ferskan fisk með flugi beint á erlenda markaði, eins og fram kom í viðtali við Kim Kielsen, þáverandi forsætisráðherra Grænlands, árið 2019: Í frétt Sermitsiaq á laugardag kveðst forstjóri Kalaallit Airports, Jens Lauridsen, vonast til að eitt nýtt flugfélag hið minnsta hefji áætlunarflug til Nuuk næsta sumar og segir allt að þrjátíu félög hafa sýnt áhuga. Í fréttinni er jafnframt rætt við talsmann Norwegian í Danmörku sem staðfestir áhuga norska flugfélagsins á áætlunarflugi til Grænlands. „Við erum mjög spennt fyrir Grænlandi. Ef nýju flugvellirnir verða tilbúnir samkvæmt áætlun og við sjáum eftirspurn þá gæti það orðið árið 2025, en ekki fyrr,“ segir Sara Neergaard, upplýsingafulltrúi Norwegian í Danmörku, í samtali við Sermitsiaq. Forstjóri Kalaallit-flugvallafélagsins segir að fjölgun flugferða muni þó ráðast af fleiri þáttum. Sér í lagi hvernig gangi að byggja upp aðra innviði á Grænlandi fyrir ferðamenn, eins og hótelgistingu og afþreyingarþjónustu. Þar séu tækfæri og mikið verk að vinna. Tvær DC 6B frá Flugfélagi Íslands á flugvellinum í Narsarssuaq árið 1968.Snorri Snorrason Auk flugfélags grænlensku landsstjórnarinnar, Air Greenland, eru íslensk flugfélög þau einu sem sinna reglubundnu flugi til Grænlands. Icelandair flýgur til fjögurra áfangastaða; Nuuk, Ilulissat, Narsarssuaq og Kulusuk, og Norlandair flýgur frá Akureyri til eins staðar á austurströnd Grænlands, Nerlerit Inaat, eða Constable Point. Grænlandsflug Icelandair og áður Flugfélags Íslands var áratugum saman frá Reykjavíkurflugvelli. Félagið ákvað fyrir tveimur árum að flytja hluta þess til Keflavíkur til að tengja það betur alþjóðaleiðakerfi félagsins. Skrefið var svo stigið til fulls í fyrra. Dash 8 Q400-vél Flugfélags Íslands, Þórunn hyrna, á flugvellinum í Kangerlussuaq haustið 2016.Egill Aðalsteinsson Opnun lengri flugbrautar í Nuuk gefur Icelandair færi á að nota stærri, hagkvæmari og hraðfleygari flugvélar til áætlunarflugsins. Þannig má telja líklegt að félagið muni í auknum mæli nýta Dash 8 Q400-vélar á leiðinni. Þær taka 76 farþega og fljúga á 630 kílómetra hraða meðan Q200-vélar félagsins taka 37 farþega og fljúga á 490 kílómetra hraða. Það ræðst síðan væntanlega af markaðsaðstæðum hvort félagið sjái þörf á að nota þotur eins og Boeing 737 MAX 8, sem taka 160 farþega og fljúga á 840 kílómetra hraða. Nýjum tækifærum Icelandair á Grænlandi með stærri flugvöllum var velt upp í þessari frétt árið 2016: Grænland Danmörk Fréttir af flugi Icelandair Keflavíkurflugvöllur Samgöngur Norðurslóðir Akureyrarflugvöllur Tengdar fréttir Grænlendingar opna fyrsta hluta nýs alþjóðaflugvallar Hluti nýju flugbrautarinnar í Nuuk var opnaður flugumferð í vikunni. Þetta er fyrsti stóri áfanginn sem næst í þeirri miklu flugvallagerð sem Grænlendingar hófu fyrir þremur árum en hún er mesta innviðauppbygging í sögu þessa næsta nágrannalands Íslendinga. 6. nóvember 2022 10:10 Kynna heilsárs skíðamiðstöð í Nuuk við hlið flugvallarins Metnaðarfullar hugmyndir hafa verið kynntar um uppbyggingu skíðamiðstöðvar í Nuuk í tengslum við gerð nýs alþjóðaflugvallar fyrir höfuðstað Grænlands. 1. desember 2019 08:45 Áforma gerð ellefu flugvalla til að treysta framtíð Grænlands Mesta innviðauppbygging í sögu Grænlands er nú að hefjast með uppbyggingu þriggja flugvalla. Kim Kielsen forsætisráðherra segir framtíð landsins bjarta, 29. ágúst 2019 20:24 Stækkun Nuuk-flugvallar styrkir tengslin við Ísland Borgarstjórinn í Nuuk sér fram á að fyrirhuguð stækkun flugvallarins þar muni styrkja böndin við Íslendinga enn frekar og efla um leið ferðaþjónustu á Grænlandi. 16. febrúar 2017 20:30 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Icelandair flýgur til Færeyja að nýju Innlent Stutt í næsta gos komi til gosloka Innlent „Það er hart sótt að okkar fólki“ Innlent Úrskurðurinn felldur úr gildi Innlent Háskólanemar halda lautarferð og stofna hreyfingu fyrir Palestínu Innlent Litaðir seðlar til skoðunar og málið á mjög viðkvæmu stigi Innlent Vilja endurupptöku í máli Weinstein Erlent Rúður skotnar í spað í verslun innflytjenda Innlent Sinueldur í Munaðarneslandi Innlent Íslensk stjórnvöld haldin „sjúkri undirgefni“ Innlent Fleiri fréttir Vilja endurupptöku í máli Weinstein Þrjú hundruð handtekin í Columbia-háskóla Stuðningur við dönsku ríkisstjórnina aldrei verið minni Mótmælendur og gagnmótmælendur tókust á Trump sektaður um meira en milljón króna Rússar sagðir nota skotflaugar frá Norður-Kóreu Þrettán ára drengur stunginn til bana með sverði Særði minnst fimm með sverði í Lundúnum Íslendingur sem lúbarði lögreglumenn í Varsjá þarf að borga brúsann Fjórir lögreglumenn skotnir til bana í Charlotte Rostungur sem fannst í fyrra drapst af völdum fuglaflensu Hvetur Hamas til að ganga að rausnarlegum tillögum Ísrael Flugvöllur Færeyinga fær að taka við stærri þotum Yousaf segir af sér sem ráðherra og formaður Skoska þjóðarflokksins Sánchez hættir við að segja af sér Grafið undan fjölmiðlafrelsinu víða í Evrópu Vopnahlé í sjónmáli? Tveir látnir eftir að bíll hafnaði í sjónum við Stokkhólm Fjölmenn mótmæli vegna ofbeldisbylgju í Ástralíu Vasaúr ríkasta manns Titanic seldist á 210 milljónir Þúsundir hvöttu Sánchez til að segja ekki af sér Skoða að færa Mónu Lísu í eigið herbergi Harvey Weinstein lagður inn á spítala Þingmaður hleypti af skoti fyrir utan skemmtistað Rýma dómshús vegna sprengjuhótunar Dómstóll fyrirskipar handtöku landbúnaðarráðherra Selenskís Ákvörðun áfrýjunardómstólsins áfall og stórt skref aftur á bak Trump líklegur til að græða á úrskurði Hæstaréttar Dómi Harvey Weinstein snúið við Tekur fyrir að hafa verið „hermaður Hitlers“ Sjá meira
Með opnun flugvallarins verður bylting í samgöngumálum Grænlendinga. Nuuk tekur þá við hlutverki Kangerlussuaq sem aðalflugvöllur þessa næsta nágrannalands Íslendinga. Þar með verður hægt að hefja beint þotuflug milli langstærsta bæjar Grænlands og umheimsins. Frá flugvallargerðinni í Nuuk. Nýja flugbrautin er að hluta komin í notkun vinstra megin. Nýja flugstöðin til hægri.Kalaallit Airports Nýi flugturninn í Nuuk.Kalaallit Airports Airbus A330-þota Air Greenland hefur til þessa eingöngu flogið áætlunarflug milli Kaupmannahafnar og Kangerlussuaq, áður Syðri-Straumfjarðar. Þaðan hafa millilandafarþegar síðan þurft að fara með minni vélum til Nuuk og annarra byggða. Gamla flugbrautin í Nuuk var aðeins 950 metra löng. Stærstu farþegavélar sem núna geta notað völlinn eru Dash 8 Q200, sem taka innan við fjörutíu farþega. Bæði Air Greenland og Icelandair, áður Flugfélag Íslands, hafa einmitt nýtt þá tegund í áætlunarflugi til Nuuk. Nýja flugbrautin verður 2.200 metra löng. Það þýðir að algengustu farþegaþotur, eins og Boeing 737 og Airbus A320, geta notað völlinn. Sömuleiðis breiðþotur eins og Airbus A330 og Boeing 767 með litlum takmörkunum. Tíu mínútna langt tölvugert myndband af flugvellinum fullbúnum má sjá hér: Samhliða er unnið að gerð tveggja annarra alþjóðaflugvalla á Grænlandi, í Ilulissat við Diskó-flóa og Qaqortoq á Suður-Grænlandi. Þeim framkvæmdum hefur einnig seinkað. Núna er vonast til að 2.200 metra flugbraut í Ilulissat verði tilbúin árið 2025 og 1.500 metra flugbraut í Qaqortoq í kringum áramótin 2025 og 2026. Flugvallagerðin er mesta innviðauppbygging í sögu landsins. Með komu nýju flugvallanna sjá Grænlendingar fram á að erlendum ferðamönnum fjölgi og ferðaþjónusta eflist, eins og borgarstjóri Nuuk lýsti í þessari frétt árið 2017: Jafnframt skapast betri möguleikar til að flytja út ferskan fisk með flugi beint á erlenda markaði, eins og fram kom í viðtali við Kim Kielsen, þáverandi forsætisráðherra Grænlands, árið 2019: Í frétt Sermitsiaq á laugardag kveðst forstjóri Kalaallit Airports, Jens Lauridsen, vonast til að eitt nýtt flugfélag hið minnsta hefji áætlunarflug til Nuuk næsta sumar og segir allt að þrjátíu félög hafa sýnt áhuga. Í fréttinni er jafnframt rætt við talsmann Norwegian í Danmörku sem staðfestir áhuga norska flugfélagsins á áætlunarflugi til Grænlands. „Við erum mjög spennt fyrir Grænlandi. Ef nýju flugvellirnir verða tilbúnir samkvæmt áætlun og við sjáum eftirspurn þá gæti það orðið árið 2025, en ekki fyrr,“ segir Sara Neergaard, upplýsingafulltrúi Norwegian í Danmörku, í samtali við Sermitsiaq. Forstjóri Kalaallit-flugvallafélagsins segir að fjölgun flugferða muni þó ráðast af fleiri þáttum. Sér í lagi hvernig gangi að byggja upp aðra innviði á Grænlandi fyrir ferðamenn, eins og hótelgistingu og afþreyingarþjónustu. Þar séu tækfæri og mikið verk að vinna. Tvær DC 6B frá Flugfélagi Íslands á flugvellinum í Narsarssuaq árið 1968.Snorri Snorrason Auk flugfélags grænlensku landsstjórnarinnar, Air Greenland, eru íslensk flugfélög þau einu sem sinna reglubundnu flugi til Grænlands. Icelandair flýgur til fjögurra áfangastaða; Nuuk, Ilulissat, Narsarssuaq og Kulusuk, og Norlandair flýgur frá Akureyri til eins staðar á austurströnd Grænlands, Nerlerit Inaat, eða Constable Point. Grænlandsflug Icelandair og áður Flugfélags Íslands var áratugum saman frá Reykjavíkurflugvelli. Félagið ákvað fyrir tveimur árum að flytja hluta þess til Keflavíkur til að tengja það betur alþjóðaleiðakerfi félagsins. Skrefið var svo stigið til fulls í fyrra. Dash 8 Q400-vél Flugfélags Íslands, Þórunn hyrna, á flugvellinum í Kangerlussuaq haustið 2016.Egill Aðalsteinsson Opnun lengri flugbrautar í Nuuk gefur Icelandair færi á að nota stærri, hagkvæmari og hraðfleygari flugvélar til áætlunarflugsins. Þannig má telja líklegt að félagið muni í auknum mæli nýta Dash 8 Q400-vélar á leiðinni. Þær taka 76 farþega og fljúga á 630 kílómetra hraða meðan Q200-vélar félagsins taka 37 farþega og fljúga á 490 kílómetra hraða. Það ræðst síðan væntanlega af markaðsaðstæðum hvort félagið sjái þörf á að nota þotur eins og Boeing 737 MAX 8, sem taka 160 farþega og fljúga á 840 kílómetra hraða. Nýjum tækifærum Icelandair á Grænlandi með stærri flugvöllum var velt upp í þessari frétt árið 2016:
Grænland Danmörk Fréttir af flugi Icelandair Keflavíkurflugvöllur Samgöngur Norðurslóðir Akureyrarflugvöllur Tengdar fréttir Grænlendingar opna fyrsta hluta nýs alþjóðaflugvallar Hluti nýju flugbrautarinnar í Nuuk var opnaður flugumferð í vikunni. Þetta er fyrsti stóri áfanginn sem næst í þeirri miklu flugvallagerð sem Grænlendingar hófu fyrir þremur árum en hún er mesta innviðauppbygging í sögu þessa næsta nágrannalands Íslendinga. 6. nóvember 2022 10:10 Kynna heilsárs skíðamiðstöð í Nuuk við hlið flugvallarins Metnaðarfullar hugmyndir hafa verið kynntar um uppbyggingu skíðamiðstöðvar í Nuuk í tengslum við gerð nýs alþjóðaflugvallar fyrir höfuðstað Grænlands. 1. desember 2019 08:45 Áforma gerð ellefu flugvalla til að treysta framtíð Grænlands Mesta innviðauppbygging í sögu Grænlands er nú að hefjast með uppbyggingu þriggja flugvalla. Kim Kielsen forsætisráðherra segir framtíð landsins bjarta, 29. ágúst 2019 20:24 Stækkun Nuuk-flugvallar styrkir tengslin við Ísland Borgarstjórinn í Nuuk sér fram á að fyrirhuguð stækkun flugvallarins þar muni styrkja böndin við Íslendinga enn frekar og efla um leið ferðaþjónustu á Grænlandi. 16. febrúar 2017 20:30 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Icelandair flýgur til Færeyja að nýju Innlent Stutt í næsta gos komi til gosloka Innlent „Það er hart sótt að okkar fólki“ Innlent Úrskurðurinn felldur úr gildi Innlent Háskólanemar halda lautarferð og stofna hreyfingu fyrir Palestínu Innlent Litaðir seðlar til skoðunar og málið á mjög viðkvæmu stigi Innlent Vilja endurupptöku í máli Weinstein Erlent Rúður skotnar í spað í verslun innflytjenda Innlent Sinueldur í Munaðarneslandi Innlent Íslensk stjórnvöld haldin „sjúkri undirgefni“ Innlent Fleiri fréttir Vilja endurupptöku í máli Weinstein Þrjú hundruð handtekin í Columbia-háskóla Stuðningur við dönsku ríkisstjórnina aldrei verið minni Mótmælendur og gagnmótmælendur tókust á Trump sektaður um meira en milljón króna Rússar sagðir nota skotflaugar frá Norður-Kóreu Þrettán ára drengur stunginn til bana með sverði Særði minnst fimm með sverði í Lundúnum Íslendingur sem lúbarði lögreglumenn í Varsjá þarf að borga brúsann Fjórir lögreglumenn skotnir til bana í Charlotte Rostungur sem fannst í fyrra drapst af völdum fuglaflensu Hvetur Hamas til að ganga að rausnarlegum tillögum Ísrael Flugvöllur Færeyinga fær að taka við stærri þotum Yousaf segir af sér sem ráðherra og formaður Skoska þjóðarflokksins Sánchez hættir við að segja af sér Grafið undan fjölmiðlafrelsinu víða í Evrópu Vopnahlé í sjónmáli? Tveir látnir eftir að bíll hafnaði í sjónum við Stokkhólm Fjölmenn mótmæli vegna ofbeldisbylgju í Ástralíu Vasaúr ríkasta manns Titanic seldist á 210 milljónir Þúsundir hvöttu Sánchez til að segja ekki af sér Skoða að færa Mónu Lísu í eigið herbergi Harvey Weinstein lagður inn á spítala Þingmaður hleypti af skoti fyrir utan skemmtistað Rýma dómshús vegna sprengjuhótunar Dómstóll fyrirskipar handtöku landbúnaðarráðherra Selenskís Ákvörðun áfrýjunardómstólsins áfall og stórt skref aftur á bak Trump líklegur til að græða á úrskurði Hæstaréttar Dómi Harvey Weinstein snúið við Tekur fyrir að hafa verið „hermaður Hitlers“ Sjá meira
Grænlendingar opna fyrsta hluta nýs alþjóðaflugvallar Hluti nýju flugbrautarinnar í Nuuk var opnaður flugumferð í vikunni. Þetta er fyrsti stóri áfanginn sem næst í þeirri miklu flugvallagerð sem Grænlendingar hófu fyrir þremur árum en hún er mesta innviðauppbygging í sögu þessa næsta nágrannalands Íslendinga. 6. nóvember 2022 10:10
Kynna heilsárs skíðamiðstöð í Nuuk við hlið flugvallarins Metnaðarfullar hugmyndir hafa verið kynntar um uppbyggingu skíðamiðstöðvar í Nuuk í tengslum við gerð nýs alþjóðaflugvallar fyrir höfuðstað Grænlands. 1. desember 2019 08:45
Áforma gerð ellefu flugvalla til að treysta framtíð Grænlands Mesta innviðauppbygging í sögu Grænlands er nú að hefjast með uppbyggingu þriggja flugvalla. Kim Kielsen forsætisráðherra segir framtíð landsins bjarta, 29. ágúst 2019 20:24
Stækkun Nuuk-flugvallar styrkir tengslin við Ísland Borgarstjórinn í Nuuk sér fram á að fyrirhuguð stækkun flugvallarins þar muni styrkja böndin við Íslendinga enn frekar og efla um leið ferðaþjónustu á Grænlandi. 16. febrúar 2017 20:30