Viðskipti innlent

Upplýst bótasvik spara 700 milljónir á tæpu ári

Eftirlitsdeild Vinnumálastofnunnar hefur upplýst um bótasvik sem sparað hafa stofnunni 700 milljónir kr. á tímabilinu frá október 2009 og fram til september í fyrra.

Þettak kemur fram í svari velferðarráðherra við fyrirspurn Sivjar Friðleifsdóttur þingmanns Framsóknarflokksins á Alþingi um eftirlit og bótasvik.

Siv spurði m.a. hvað hafa sparast háar upphæðir við að uppvíst hefur orðið um bótasvik hjá Vinnumálastofnun eftir að eftirlitsdeild hennar hóf störf, sundurgreint eftir helstu tegundum bótasvika? Í svarinu segir að eftirlitsdeild Vinnumálastofnunar tók formlega til starfa í byrjun október 2009. Fram til september í fyrra höfðu störf hennar sparað 700 milljónir kr.

Sundurliðið felst sparnaðurinn í að ábendingar um bótasvik skiluðu 143,4 milljónum kr. Staðfest atvinnuleit erlendis frá sparaði 161,7 milljónir kr. og virkt eftirlit sparaði 246,5 milljónir kr.

Þá spöruðust tæplega 110 milljónir kr. við samkeyrslu við nemendaskrár skóla og 15 milljónir við samkeyrslu við Fangelsismálastofnun.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið