Innlent

Fram­boðs­listar opin­beraðir eftir helgi

Samúel Karl Ólason skrifar
Kristín Edwald, formaður landskjörsstjórnar.
Kristín Edwald, formaður landskjörsstjórnar. Vísir/Vilhelm

Frambjóðendur til embættis forseta Íslands munu skila inn framboðum sínum í Hörpu á morgun. Formlegur framboðslisti mun þó ekki liggja fyrir fyrr en eftir helgi, í fyrsta lagi. Kristín Edwald, formaður landskjörsstjórnar, segir að ýmsu að huga.

Ásamt því að skila inn formlegum framboðum sínum þurfa frambjóðendur að skila inn listum yfir meðmælendur. Það þarf ekki að þýða að framboðið verði staðfest.

Kristín segir að farið verði yfir meðmælendalistana og gengið úr skugga um að þar séu minnst fimmtán hundruð nöfn og rétt skipt eftir landshlutum. Einnig verður passað upp á að enginn hafi skrifað undir meðmæli hjá tveimur frambjóðendum en þeir sem gerðu það verða strikaðir út á báðum stöðum.

Þetta verður gert eftir fund landskjörstjórnar á morgun. Í kjölfarið verður svo haldinn annar fundur á mánudagsmorgun. Þá verður úrskurðað um gildi framboða.

Kristín segir að þá hefjist tuttugu klukkustunda kærufrestur.

„Ef það koma fram kærur, þá er leyst úr þeim og þegar það liggur allt fyrir verður auglýst hverjir séu í framboði,“ sagði Kristín. Hún sagði að það yrði ekki seinna en 2. maí.

Forsetakosningar 2024
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið