Krefjast skýringa á brotthvarfi Maríu Sigrúnar Ólafur Björn Sverrisson skrifar 26. apríl 2024 22:42 Þau Elín HIrst og Guðfinnur Sigurvinsson fara fögrum orðum um Maríu Sigrúnu og velta vöngum yfir brotthvarfi hennar. vísir Brotthvarf Maríu Sigrúnar Hilmarsdóttur úr fréttaskýringaþættinum Kveik á Rúv hefur vakið nokkra athygli. Fyrrverandi samstarfsmenn hennar fara fögrum orðum um blaðamannahætti hennar og krefja forsvarsmenn Ríkisútvarpsins um skýringar á brotthvarfinu. Vísir greindi frá því í dag að kröftum Maríu Sigrúnar í fréttaþættinum Kveik væri ekki lengur óskað. María Sigrún var sjálf ósátt, enda var innslag hennar, sem hún hafði verið með í undirbúningi, ekki sýnt á þriðjudag eins og hún vænti. Sömuleiðis var greint frá því að Ingólfur Bjarni Sigfússon ritstjóri Kveiks muni hafa sagt eitthvað á þá leið að hæfileikar Maríu Sigrúnar lægju ekki á sviði rannsóknarblaðamennsku, en hún væri frábær fréttalesari. María Sigrún birti auk þess táknræna mynd á samfélagsmiðlinum X í dag, þar sem búið var að klippa hana sjálfa úr mynd af Kveiks-teyminu. Hún vildi ekki tjá sig nánar við Vísi í dag en benti á Ingólf Bjarna og Heiðar Örn Sigurfinnsson fréttastjóra fréttastofunnar. pic.twitter.com/ODYtihOs6a— Maria Sigrun Hilmars (@MariaSigrun) April 26, 2024 Útilokað að umfjöllunin sé illa unnin Guðfinnur Sigurvinsson bæjarfulltrúi Sjálfstæðisflokks í Garðabæ og fyrrverandi fréttamaður á RÚV ritar færslu á Facebook þar sem hann furðar sig á brotthvarfi Maríu Sigrúnar. Hafi hann unnið með henni í áratug og orðið vitni að „vinnusemi hennar, elju og vandvirkni“. Guðfinnur telur þá upp þá kosti sem María Sigrún hafi sem fréttamaður og lýsir henni sem fagmanni fram í fingurgóma. „Slík fagmennska eflist jafnan og verður vandaðri með árunum en hitt. Ég hygg að vandfundinn sé sá fréttamaður sem starfað hefur með Maríu Sigrúnu sem mun bera henni aðra sögu en þá sem ég hef hér rakið.“ Útilokað sé því að fyrrgreind umfjöllun, sem ekki hlaut brautargengi innan ritstjórnar Kveiks, hafi verið svo ótraust og illa unnin að ástæða sé til að víkja henni úr fréttaskýringarþættinum. „Alveg útilokað,“ fullyrðir Guðfinnur. „Þá vaknar lykilspurningin; hver er raunverulega ástæðan? Svarið getur ekki snúið að öðru en efnistökunum sjálfum. Hvað er það sem er svo eldfimt og viðkvæmt og þolir ekki dagsins ljós að ekki er aðeins ástæða að mati ritstjórans Ingólfs Bjarna Sigfússonar að freista þess að þagga málið niður heldur flæma fréttamann sem hefur lokið meistaranámi í blaða- og fréttamennsku úr starfi sínu með hrakyrðum um að þótt hún sé fínn fréttalesari valdi hún ekki rannsóknarblaðamennsku eftir tæplega 20 ára flekklausan feril?! Úr þeim orðum les ég ekkert annað en viðurstyggilega kvenfyrirlitningu og eru þau ömurlegu orð Ingólfi Bjarna til ævarandi minnkunar – og mátti síst við því!“ segir Guðfinnur sem er ekki að skafa utan af því. Stjórnendur krafðir um svör Hann krefst því skýringa frá stjórnendum ríkisútvarpsins, nánar tiltekið: „a) Hver eru efnistök umfjöllunar Maríu Sigrúnar í óstyttri útgáfu og tilbúin var til birtingar í Kveik? b) Hvernig varða efnistökin almannahagsmuni? c) Hver eru efnislegu rökin fyrir því að birting var stöðvuð í Kveik og þrautreyndur fréttamaður látinn víkja, þ.e. nákvæmlega hvaða atriði urðu þess valdandi að málið er tekið svo harkalegum tökum?“ Guðfinnur segir ljóst að annarleg sjónarmið hafi ráðið för, verði þessum spurningum ekki svarað með sannfærandi hætti. „Séu efnistökin þess eðlis að ætla má að hagsmuna annarra en almennings í krafti faglegrar fréttamennsku hafi verið gætt þá er traust til ritstjórnar Kveiks og Ríkisútvarpsins alls stórlaskað. Blaðamannafélag Íslands sem hefur undanfarið ráðist í mikla auglýsingaherferð til stuðnings öflugri og óháðri frétta- og blaðamennsku hlýtur sömuleiðis að krefjast þessara svara. Fáist ekki sannfærandi svör við sjálfsögðum spurningum blasir við að útvarpsstjóri — sé í honum minnsti dugur – segi bæði ritstjóra Kveiks og fréttastjóra RÚV upp störfum og bjóði Maríu Sigrúnu Hilmarsdóttur fyrra starf að undangenginni afsökunarbeiðni. Allt minna en það er óboðlegt.“ Allt tal um annað séu rangindi Elín Hirst fyrrverandi fréttastjóri Rúv tekur einnig upp hanskann fyrir Maríu Sigrúnu í færslu á Facebook. „Ég réði Maríu Sigrúnu Hilmarsdóttur til starfa á RÚV á meðan ég var fréttastjóri Sjónvarpsins. Kostir hennar sem fagmanneskju eru síst oftaldir í pistli Guðfinns. María Sigrún er afskapleg hugmyndaríkur og vandvirkur fréttamaður sem aldrei fellur verk úr hendi. Þar að auki er hún úrvals fréttamaður í allri framkomu á skjánum sem og fréttaþulur af bestu gerð. Allt tal um annað eru rangindi gagnvart einum vandaðasta og besta fréttamanni á Íslandi.“ Ríkisútvarpið Fjölmiðlar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Stillir viðtækið á alheimsdögunina Innlent Beinagrindur og ástarsorg á Bessastöðum Innlent „Tjónið af þessum slóðaskap hleypur á fleiri milljörðum“ Innlent Faðir mannsins sem lést á Litla-Hrauni krefst umbóta Innlent Ísraelsmenn í aðgerðum í Rafah og taka yfir landamærastöðina Erlent Segja nýjar reglur um merkingar blekkingarleik laxeldisfyrirtækja Erlent „Massíf slysaslepping á vondu frumvarpi“ Innlent Verðhækkanir á döner-kebab eitt helsta áhyggjuefni Þjóðverja Erlent Ferðamannastaðir Færeyja lokaðir vegna viðhalds Erlent Forsetavaktin 2024: Hver verður sjöundi forseti lýðveldisins? Innlent Fleiri fréttir Ný stefna Samfylkingar í orkumálum konfekt í eyrum Jóns Vilja tryggja öryggi starfsfólks í vegavinnu „Massíf slysaslepping á vondu frumvarpi“ Stillir viðtækið á alheimsdögunina Þrír handteknir vegna vopnalagabrota og tveir vegna líkamsárásar Beinagrindur og ástarsorg á Bessastöðum Alþjóðanemar neyðist til að vinna svart á Íslandi „Tjónið af þessum slóðaskap hleypur á fleiri milljörðum“ Stóra stundin að renna upp: Bjartsýn en með báða fætur á jörðinni Sanngirnisbótafrumvarpið sé blekking Faðir mannsins sem lést á Litla-Hrauni krefst umbóta Kveikt í papparusli í Glæsibæ Flugfélögin grípa til ráðstafana vegna verkfallsaðgerða Skjálfti fannst vel á höfuðborgarsvæðinu Ákall frá föður látins fanga og beinagrindur á Bessastöðum Kveðst ekki svindla á neinum með happdrætti sínu Örlætisgjörningur ríkislögreglustjóra til tals á þinginu Brynjar hefur ekki orðið var við neina skrímsladeild í Valhöll Framkvæmdir muni ekki hafa marktæk áhrif á daglega starfsemi Segja varkárni ávallt hafa verið Haraldi efst í huga Bjóða farþegum að breyta ferðum vegna mögulegs verkfalls Grunaður um að valda konunni áverkum sem leiddu hana til dauða Byrja að sekta vegna nagladekkja þrettánda maí Ósáttur með tal eftirlitsmannsins í kaupfélaginu en sektin stendur Nefndin aldrei heyrt aðrar eins frásagnir en lítið að gerast Á vesturleiðinni en ekki á hundrað og tíu Hægagangur í viðræðum við flugvallarstarfsmenn og styttist í aðgerðir Sanngirnisbætur, kjaraviðræður og andlát á Litla-Hrauni Hafi mögulega reynt að lenda á ísilögðu vatninu Sækjast eftir frekara gæsluvarðhaldi vegna andlátsins við Kjarnagötu Sjá meira
Vísir greindi frá því í dag að kröftum Maríu Sigrúnar í fréttaþættinum Kveik væri ekki lengur óskað. María Sigrún var sjálf ósátt, enda var innslag hennar, sem hún hafði verið með í undirbúningi, ekki sýnt á þriðjudag eins og hún vænti. Sömuleiðis var greint frá því að Ingólfur Bjarni Sigfússon ritstjóri Kveiks muni hafa sagt eitthvað á þá leið að hæfileikar Maríu Sigrúnar lægju ekki á sviði rannsóknarblaðamennsku, en hún væri frábær fréttalesari. María Sigrún birti auk þess táknræna mynd á samfélagsmiðlinum X í dag, þar sem búið var að klippa hana sjálfa úr mynd af Kveiks-teyminu. Hún vildi ekki tjá sig nánar við Vísi í dag en benti á Ingólf Bjarna og Heiðar Örn Sigurfinnsson fréttastjóra fréttastofunnar. pic.twitter.com/ODYtihOs6a— Maria Sigrun Hilmars (@MariaSigrun) April 26, 2024 Útilokað að umfjöllunin sé illa unnin Guðfinnur Sigurvinsson bæjarfulltrúi Sjálfstæðisflokks í Garðabæ og fyrrverandi fréttamaður á RÚV ritar færslu á Facebook þar sem hann furðar sig á brotthvarfi Maríu Sigrúnar. Hafi hann unnið með henni í áratug og orðið vitni að „vinnusemi hennar, elju og vandvirkni“. Guðfinnur telur þá upp þá kosti sem María Sigrún hafi sem fréttamaður og lýsir henni sem fagmanni fram í fingurgóma. „Slík fagmennska eflist jafnan og verður vandaðri með árunum en hitt. Ég hygg að vandfundinn sé sá fréttamaður sem starfað hefur með Maríu Sigrúnu sem mun bera henni aðra sögu en þá sem ég hef hér rakið.“ Útilokað sé því að fyrrgreind umfjöllun, sem ekki hlaut brautargengi innan ritstjórnar Kveiks, hafi verið svo ótraust og illa unnin að ástæða sé til að víkja henni úr fréttaskýringarþættinum. „Alveg útilokað,“ fullyrðir Guðfinnur. „Þá vaknar lykilspurningin; hver er raunverulega ástæðan? Svarið getur ekki snúið að öðru en efnistökunum sjálfum. Hvað er það sem er svo eldfimt og viðkvæmt og þolir ekki dagsins ljós að ekki er aðeins ástæða að mati ritstjórans Ingólfs Bjarna Sigfússonar að freista þess að þagga málið niður heldur flæma fréttamann sem hefur lokið meistaranámi í blaða- og fréttamennsku úr starfi sínu með hrakyrðum um að þótt hún sé fínn fréttalesari valdi hún ekki rannsóknarblaðamennsku eftir tæplega 20 ára flekklausan feril?! Úr þeim orðum les ég ekkert annað en viðurstyggilega kvenfyrirlitningu og eru þau ömurlegu orð Ingólfi Bjarna til ævarandi minnkunar – og mátti síst við því!“ segir Guðfinnur sem er ekki að skafa utan af því. Stjórnendur krafðir um svör Hann krefst því skýringa frá stjórnendum ríkisútvarpsins, nánar tiltekið: „a) Hver eru efnistök umfjöllunar Maríu Sigrúnar í óstyttri útgáfu og tilbúin var til birtingar í Kveik? b) Hvernig varða efnistökin almannahagsmuni? c) Hver eru efnislegu rökin fyrir því að birting var stöðvuð í Kveik og þrautreyndur fréttamaður látinn víkja, þ.e. nákvæmlega hvaða atriði urðu þess valdandi að málið er tekið svo harkalegum tökum?“ Guðfinnur segir ljóst að annarleg sjónarmið hafi ráðið för, verði þessum spurningum ekki svarað með sannfærandi hætti. „Séu efnistökin þess eðlis að ætla má að hagsmuna annarra en almennings í krafti faglegrar fréttamennsku hafi verið gætt þá er traust til ritstjórnar Kveiks og Ríkisútvarpsins alls stórlaskað. Blaðamannafélag Íslands sem hefur undanfarið ráðist í mikla auglýsingaherferð til stuðnings öflugri og óháðri frétta- og blaðamennsku hlýtur sömuleiðis að krefjast þessara svara. Fáist ekki sannfærandi svör við sjálfsögðum spurningum blasir við að útvarpsstjóri — sé í honum minnsti dugur – segi bæði ritstjóra Kveiks og fréttastjóra RÚV upp störfum og bjóði Maríu Sigrúnu Hilmarsdóttur fyrra starf að undangenginni afsökunarbeiðni. Allt minna en það er óboðlegt.“ Allt tal um annað séu rangindi Elín Hirst fyrrverandi fréttastjóri Rúv tekur einnig upp hanskann fyrir Maríu Sigrúnu í færslu á Facebook. „Ég réði Maríu Sigrúnu Hilmarsdóttur til starfa á RÚV á meðan ég var fréttastjóri Sjónvarpsins. Kostir hennar sem fagmanneskju eru síst oftaldir í pistli Guðfinns. María Sigrún er afskapleg hugmyndaríkur og vandvirkur fréttamaður sem aldrei fellur verk úr hendi. Þar að auki er hún úrvals fréttamaður í allri framkomu á skjánum sem og fréttaþulur af bestu gerð. Allt tal um annað eru rangindi gagnvart einum vandaðasta og besta fréttamanni á Íslandi.“
Ríkisútvarpið Fjölmiðlar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Stillir viðtækið á alheimsdögunina Innlent Beinagrindur og ástarsorg á Bessastöðum Innlent „Tjónið af þessum slóðaskap hleypur á fleiri milljörðum“ Innlent Faðir mannsins sem lést á Litla-Hrauni krefst umbóta Innlent Ísraelsmenn í aðgerðum í Rafah og taka yfir landamærastöðina Erlent Segja nýjar reglur um merkingar blekkingarleik laxeldisfyrirtækja Erlent „Massíf slysaslepping á vondu frumvarpi“ Innlent Verðhækkanir á döner-kebab eitt helsta áhyggjuefni Þjóðverja Erlent Ferðamannastaðir Færeyja lokaðir vegna viðhalds Erlent Forsetavaktin 2024: Hver verður sjöundi forseti lýðveldisins? Innlent Fleiri fréttir Ný stefna Samfylkingar í orkumálum konfekt í eyrum Jóns Vilja tryggja öryggi starfsfólks í vegavinnu „Massíf slysaslepping á vondu frumvarpi“ Stillir viðtækið á alheimsdögunina Þrír handteknir vegna vopnalagabrota og tveir vegna líkamsárásar Beinagrindur og ástarsorg á Bessastöðum Alþjóðanemar neyðist til að vinna svart á Íslandi „Tjónið af þessum slóðaskap hleypur á fleiri milljörðum“ Stóra stundin að renna upp: Bjartsýn en með báða fætur á jörðinni Sanngirnisbótafrumvarpið sé blekking Faðir mannsins sem lést á Litla-Hrauni krefst umbóta Kveikt í papparusli í Glæsibæ Flugfélögin grípa til ráðstafana vegna verkfallsaðgerða Skjálfti fannst vel á höfuðborgarsvæðinu Ákall frá föður látins fanga og beinagrindur á Bessastöðum Kveðst ekki svindla á neinum með happdrætti sínu Örlætisgjörningur ríkislögreglustjóra til tals á þinginu Brynjar hefur ekki orðið var við neina skrímsladeild í Valhöll Framkvæmdir muni ekki hafa marktæk áhrif á daglega starfsemi Segja varkárni ávallt hafa verið Haraldi efst í huga Bjóða farþegum að breyta ferðum vegna mögulegs verkfalls Grunaður um að valda konunni áverkum sem leiddu hana til dauða Byrja að sekta vegna nagladekkja þrettánda maí Ósáttur með tal eftirlitsmannsins í kaupfélaginu en sektin stendur Nefndin aldrei heyrt aðrar eins frásagnir en lítið að gerast Á vesturleiðinni en ekki á hundrað og tíu Hægagangur í viðræðum við flugvallarstarfsmenn og styttist í aðgerðir Sanngirnisbætur, kjaraviðræður og andlát á Litla-Hrauni Hafi mögulega reynt að lenda á ísilögðu vatninu Sækjast eftir frekara gæsluvarðhaldi vegna andlátsins við Kjarnagötu Sjá meira