Innlent

Strákunum á Hrauninu leið illa út af Matthíasi Mána

Margrét prýðir forsíðu Nýs lífs. Myndir/Jónatan Grétarsson
Margrét prýðir forsíðu Nýs lífs. Myndir/Jónatan Grétarsson

Margrét Frímannsdóttir, forstöðumaður Litla-Hrauns, segir strok Matthíasar Mána hafa verið erfitt þeim sem eru vistaðir á Litla-Hrauni. Sjálfri hafi henni einnig liðið illa. "Það hvarflar ekki að mér annað en að vera hreinskilin með það. Strok hafa átt sér stað í íslenskum fangelsum áður þótt þau séu ekki algeng og í flestum tilvikum hafa þau varað í stuttan tíma. Stundum hafa menn náðst rétt fyrir utan girðingu. Umfjöllunin um þetta strok var mjög mikil. Þetta var erfitt okkur öllum sem hér eru. Strokið var líka erfitt strákunum sem hér eru vistaðir, sérstaklega þegar við vissum ekkert um afdrif þessa einstaklings,“ segir Margrét. Þetta kemur fram í nýju tölublaði tímaritsins Nýs lífs. Þar er Margrét í forsíðuviðtali sem grínarinn Þorsteinn Guðmundsson tók. Margrét segir einnig að öryggisgirðingin á Litla-Hrauni hafi upphaflega átt að vera miklu hærri. Hún sé aftur á móti í því formi sem raun er vegna þess að gripið hafi verið til sparnaðarráðstafana. "Þú talaðir um það áður að öryggisgirðingin væri ekki nógu traust. Áttuð þið von á því að þetta gæti gerst?" spyr Þorsteinn í viðtalinu. "Nei, auðvitað áttum við ekki von á því þannig. Við reynum að standa okkur vel í þeirri gæslu sem hér á að vera en svona getur gerst og gerist í fangelsum alls staðar í heiminum. Öryggisgirðingin á Litla-Hrauni er ekkert nýtt mál. Það er búið að skila inn um hana og ástand hennar nokkrum skýrslum og upphaflega átti hún að vera miklu, miklu hærri og öðruvísi. Svo var gripið til sparnaðarráðstafana þannig að henni var breytt og hún sett upp í því formi sem hún er í dag," svarar Margrét. "Vonandi verður það lagað. Við fengum á síðasta ári peninga til þess að fara í öryggismálin af því að það er búið að benda á það oft að það þurfi að bæta mjög margt í þessu öryggisfangelsi landsins. Því var ekki sinnt fyrr en í fyrra þegar Alþingi ákvað að setja 50 milljónir í öryggismál á Litla-Hrauni og aftur 50 milljónir í ár. Vonandi verður ekki stoppað þar.“

Flótti Matthíasar Mána af Litla-Hrauni Fangelsismál

Tengdar fréttir

Matthías Máni í einangrun í tvær vikur

Matthías Máni Erlingsson, sem strauk af Litla-Hrauni mánudaginn síðastliðinn, verður hafður í einangrun fram yfir jól og áramót. Þetta staðfesti Margrét Frímannsdóttir í samtali við Vísi.

Þetta er leiðin sem Matthías Máni fór á flóttanum

Við yfirheyrslu yfir Matthíasi Mána á Litla Hrauni í gær upplýsti hann um leiðir sínar eftir strokið frá Litla Hrauni. Matthías hefur ekki viljað segja frá hvernig hann komst út af fangelsislóðinni. Allt bendir til að hann hafi farið yfir girðingarnar tvær. Eftir að hann var kominn út hélt hann til austurs ofan við Stokkseyri með stefnu að Neistastöðum í Flóa þar sem hann komst inn í sumarbústað.

Eiganda sumarbústaðarins brugðið yfir innbrotinu

Maðurinn sem á sumarbústaðinn í Þjórsárdal sem Matthias Máni, strokufanginn á Litla-Hrauni, braust inn í og dvaldi í hluta af þeim tíma sem á storki hans stóð segir að sér sé brugðið. "Manni er það náttúrlega," segir maðurinn sem ekki vill koma fram undir nafni. Fram kom í tilkynningu sem lögreglan sendi út um klukkan þrjú að bústaðurinn er í Árnesi.

"Við förum yfir okkar verklagsreglur"

"Við förum yfir okkar verklagsreglur og athugum hvað það var sem þarna gerðist nákvæmlega, en við erum ekki tilbúin að tjá okkur meira um þetta. Ég vísa bara á lögregluna sem fer með rannsókn málsins,“ segir Páll Winkel, fangelsismálastjóri.

Íbúar á Eyrabakka skelkaðir vegna strokufanga

"Þetta eru harðsnúnir menn sem snúa sér yfir þetta eins og ekkert sé," segir Skúli Steinsson, íbúi á Eyrarbakka, sem gengdi starfi fangavarðar í 23 ár. Hann segir að sér þyki hræðilegt að vita til þess að menn virðist geta klifrað yfir varnargirðingarnar ef þeim sýnist svo, en strokufangans, Matthíasar Mána Erlingssonar, var leitað í umhverfi Litla-Hrauns í dag.

Matthías Máni hafðist við í Árnesi

Matthías Máni Erlingsson, sem strauk af Litla-Hrauni síðastliðinn mánudag, virðist hafa dvalið í sumarbústað í Árnesi. Samkvæmt upplýsingum frá lögreglu leikur grunur á að Matthías Máni hafi stolið riffli þaðan og öðrum munum.

Gekk tugi kílómetra á flóttanum

Matthías Máni flúði frá Litla-Hrauni upp úr hádegi mánudaginn 17. desember. Að sögn fangelsismálastjóra var Matthías við vinnu innan girðingar ásamt þremur öðrum föngum í umsjá eins fangavarðar. Á milli 45 mínútur og klukkutími leið þar til uppgötvaðist að hann var á bak og burt.

Skipt um hluta girðingarinnar á næsta ári

Fangelsismálastjóri segir að skipt verið um hluta girðingarinnar við Litla-Hraun á næsta ári. Bilun í tækjabúnaði hafi orðið til þess að Matthías Máni náði að strjúka úr fangelsinu en hann var yfirheyrður í morgun.

Konan farin úr landi

Konan, sem Matthías Máni Erlingsson var dæmdur fyrir að ráðast á, er farin úr landi með börnum sínum. Þetta staðfestir Arnar Rúnar Marteinsson, aðalvarðstjóri hjá lögreglunni á höfuðborgarsvæðinu. Hann segir að Matthías Máni hafi hótað konunni lífláti rétt áður en hann braust út. Hann segir jafnframt að konan hafi farið úr landi að eigin frumkvæði en ekki frumkvæði lögreglunnar. Þá segir Arnar að fjölskylda Matthíasar Mána líði mjög illa yfir stroki hans og vilji fá hann í öruggt skjól fyrir jólin.

Strokufanginn kominn á Litla-Hraun

Matthías Máni Erlingsson er kominn aftur á Litla-Hraun. Lögregla sótti hann á bæ á Ásólfsstöðum, nærri Laugarási í Biskupstungum, rétt eftir klukkan fimm í morgun og var hann umsvifalaust fluttur aftur á Litla-Hraun.

Matthías vissi að konan var á Flúðum

Matthías Máni Erlingsson strokufangi er enn ófundinn. Hann hefur farið á sérstakt námskeið til að læra að lifa af í óbyggðum og telur lögregla það hjálpa honum á flóttanum.

Hættulegur og gengur enn laus

„Ég skil mjög vel gagnrýni og aðfinnslur Fangavarðafélagsins og fangelsisyfirvalda,“ segir Ögmundur Jónasson innanríkisráðherra vegna þeirrar umræðu sem skapast hefur eftir að ofbeldismaðurinn Matthías Máni Erlingsson strauk af Litla-Hrauni í fyrradag.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið