Vill að Færeyjar fái nýjan flugvöll Kristján Már Unnarsson skrifar 29. mars 2024 08:48 Frá Vogaflugvelli í Færeyjum. Flugbrautin er 1.800 metra löng. Lenging hennar árið 2012 kallaði á miklar uppfyllingar og umdeilt hvort gerlegt eða skynsamlegt sé að lengja hana meira. Vága Floghavn Bæjarstjóri Þórshafnar í Færeyjum, Heðin Mortensen, vill hefja undirbúning að gerð nýs alþjóðaflugvallar í Færeyjum. Ummælin féllu í viðtali við Kringvarpið í vikunni í framhaldi af vandræðum sem fraktflugfélagið FarCargo glímir við að nýta Vogaflugvöll til fiskflutninga með Eysturoy, Boeing 757-þotu félagsins. Eins og fram kom í frétt Vísis fyrr í mánuðinum telst 757-þotan vera með of breitt vænghaf fyrir þennan eina flugvöll Færeyinga og má því ekki nota hann. Hún hefur engu að síður farið nokkrar ferðir með lax til New York og einnig til Brussel en sækja þurfti um undanþágu til danskra samgönguyfirvalda. Það eru þó ekki öryggisreglur danskra skriffinna sem eru raunverulega vandamálið heldur takmörkuð lengd flugbrautarinnar. Boeing 757-þotan er raunar þekkt fyrir að þurfa stutta flugbraut, miðað við svo stóra flugvél, og 1.800 metra löng brautin í Vogum dugar undir flestum kringumstæðum, eins og fyrir tveggja tíma flug með lax til Brussel. En ekki þegar hún þarf að komast fullhlaðin í sjö tíma flug til New York. Boeing 757-þota FarCargo, Eysturoy, lenti í fyrsta sinn á Vogaflugvelli þann 5. mars síðastliðinn.Jónis Albert Nielsen/jn.fo Með 35 tonn af laxi og fulla eldsneytisgeyma þarf hún um 2.100 metra langa braut til flugtaks. Í flugferðunum til New York til þessa hefur hún því þurft að taka á loft í Færeyjum með lágmarkseldsneyti en millilenda í Keflavík til eldsneytistöku með tilheyrandi aukakostnaði, eins og lendingargjöldum. Bæjarstjóri Þórshafnar telur fullreynt að flugvöllurinn í Vogum dugi til að mæta nútímakröfum og þörfum Færeyinga. Hann segir það pínlegt að ekki sé hægt að flytja verðmætustu útflutningsafurð eyjanna út með flugi. Hann vill því dusta rykið af aldarfjórðungs gömlum áformum um gerð nýs flugvallar á Glyvursnesi rétt utan við höfuðstað eyjanna. Heðin Mortensen, bæjarstjóri Þórshafnar, við Boeing 757-þotu FarCargo á Vogaflugvelli. Í Færeyjum er starfsheiti hans borgarstjóri.Heðin Mortensen/instagram Á þeim tíma var um tveggja stunda ferðalag milli Þórshafnar og Vogaflugvallar og þurfti að taka ferju milli eyjunnar Voga og Straumeyjar. Vogagöngin, fyrstu neðansjávargöng Færeyja, styttu aksturstímann niður í um 40 mínútur árið 2002. Árið 2012 var flugbrautin í Vogum svo lengd úr 1.250 metrum upp í 1.800 metra og áform um völl á Glyvursnesi voru lögð til hliðar. „Ég hef ákveðið að setja flugvöll á Glyvursnesi aftur á dagskrá. Ég ætla að kanna pólitískar undirtektir, kanna kostnað og fjármögnunarleiðir,“ segir Heðin Mortensen í viðtalinu við Kringvarpið og tekur fram að vinnan sé þegar hafin. Svona er flugbraut á Glyvursnesi teiknuð í skýrslu fyrir landsstjórn Færeyja frá árinu 2006.Landsverk Á Glyvursnesi er talið að koma megi fyrir 2.700 metra langri flugbraut sem myndi liggja í um eitthundrað metra hæð yfir sjávarmáli. Í skýrslu sem landsstjórn Færeyja lét gera árið 2006 kom fram að helsti kostur flugvallar þar væri nálægð við Þórshöfn en annar flugbrautarendinn yrði aðeins þrjá kílómetra sunnan bæjarins. Þessi nálægð var reyndar einnig nefnd sem ókostur vegna ónæðis sem flugvöllurinn gæti valdið byggðinni. Það var breski herinn sem upphaflega lagði flugvöllinn í Vogum á stríðsárunum sem bækistöð fyrir könnunarflugvélar og var hann tekinn í notkun árið 1942. Eftir að seinni heimsstyrjöld lauk gerði félag í eigu Færeyinga skammvinna tilraun til flugrekstrar. Það leigði Douglas Dakota-flugvél sumarið 1946 sem bauð upp á nokkrar ferðir milli Færeyja, Prestvíkur í Skotlandi og Kaupmannahafnar en áhugi reyndist ekki nægur til að standa undir rekstrinum. Nánast engin starfsemi var þar allt til ársins 1963 þegar tveir framámenn í bænum Saurvogi í samstarfi við Flugfélag Íslands beittu sér fyrir því að flugvöllurinn yrði lagfærður og opnaður á ný. Flugfélag Íslands, fyrst flugfélaga, hóf síðan reglubundið áætlunarflug á DC 3-vélum, þristum. Flogið var frá Reykjavík til Færeyja á þriðjudagsmorgnum en vélin fór svo til Bergen í Noregi og Kaupmannahafnar og aftur til Færeyja. Síðan hélt vélin til Glasgow og til baka til Færeyja áður en haldið var aftur til Reykjavíkur á föstudegi. Flugfélag Íslands og síðar Flugleiðir héldu lengi uppi áætlunarflugi milli Reykjavíkur og Færeyja á Fokker-vélum. Árið 1987 stofnuðu Færeyingar eigið flugfélag, Atlantic Airways, sem síðar tók yfir allt flug milli Íslands og Færeyja. Á því verður breyting þann 1. maí næstkomandi þegar Icelandair hefur á ný áætlunarflug til Færeyja, að þessu sinni frá Keflavík á Dash 8 Q400-vélum. Síðasta áætlunarflug Atlantic Airways frá Reykjavíkurflugvelli til Færeyja var árið 2018, sem sjá má hér: Stöð 2 fjallaði um flugmál Færeyinga í þessari frétt árið 2013: Færeyjar Fréttir af flugi Samgöngur Lax Sjókvíaeldi Keflavíkurflugvöllur Icelandair Matvælaframleiðsla Reykjavíkurflugvöllur Danmörk Tengdar fréttir Boeing 757-þotan fær ekki að lenda í Færeyjum Áform færeyska fiskeldisfyrirtækisins Bakkafrosts um reglubundið flug með ferskan lax frá Færeyjum eru í uppnámi þar sem Boeing 757-fraktflutningaþota dótturfélagsins FarCargo fær ekki að lenda á flugvellinum í Vogum. Ástæðan er sú að 41 metra vænghaf hennar telst of breitt fyrir þennan eina flugvöll Færeyinga sem skilgreindur er fyrir allt að 36 metra vænghaf flugvéla. 10. mars 2024 10:40 Icelandair flýgur til Færeyja Icelandair tilkynnti Færeyjar sem nýjan áfangastað í dag. Flogið verður fimm til sex sinnum í viku með morgunflugi út október á næsta ári. 8. júní 2023 12:52 50 ár frá flugslysinu á Mykinesi í Færeyjum Fimmtíu ár eru í dag liðin frá flugslysinu á Mykinesi í Færeyjum þegar Fokker Friendship-vél Flugfélags Íslands rakst á hæsta hluta eyjunnar í aðflugi að flugvellinum í Vogum. Átta manns létust, einn Íslendingur og sjö Færeyingar. 26. september 2020 08:54 Síðasta flug til Færeyja frá Reykjavíkurflugvelli Áætlunarflugi milli Reykjavíkur og Færeyja lauk í dag, 55 árum eftir að flugsamgöngur hófust á milli höfuðborgar Íslands og nánustu frændþjóðar Íslendinga. 26. október 2018 21:15 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Fylgi Höllu hrundi eftir kappræðurnar á RÚV Innlent Eldvörp líkleg næst Innlent Meintur fjárdráttur mikið áfall fyrir starfsfólk skólans Innlent Facebook bannar Ástþóri að auglýsa Innlent Ellefu slasaðir eftir að flugtak Boeing 737 mistókst Erlent Börnum safnað saman og þau skotin Erlent María Sigrún birtir tölvupósta Dags Innlent Fylgjast grannt með gangi mála Innlent Samanburður við lóðamál olíufélaganna eins „fjarri sannleikanum og hægt er“ Innlent Skotið á íbúa Rafah og heilbrigðiskerfi Gasa hrunið Erlent Fleiri fréttir Börnum safnað saman og þau skotin Skotið á íbúa Rafah og heilbrigðiskerfi Gasa hrunið Ellefu slasaðir eftir að flugtak Boeing 737 mistókst Lýsa hræðilegu ofbeldi fyrir sjóslys þar sem tugir létu lífið Takmarkar hernaðaraðstoð verði gerð árás á Rafah Grænlendingar segja sig úr Norðurlandaráði Skýrustu merkin um lofthjúp um bergreikistjörnu til þessa Enn og aftur tafir á málaferlum gegn Trump Umfangsmestu árásir Rússa í nokkrar vikur Trump blótaði þegar Daniels lýsti meintu samneyti þeirra Hrina árása á þýska stjórnmálamenn veldur áhyggjum Um 800.000 Evrópubúar taldir hafa fallið fyrir kínverskri svikamyllu Bandaríkjamenn stöðvuðu vopnasendingu til Ísrael í síðustu viku Annar hvirfilbylurinn í Oklahoma á rúmum mánuði Segir Bandaríkjamenn þurfa að þrýsta á Ísraela Skotárás við heimili Drake Stormy Daniels í dómsal með Trump Lífverðir Selenskís sakaðir um að skipuleggja banatilræði Reynt að siga lögreglu á vitni í málinu gegn Trump Fundu hlerunarbúnað í fundarherbergi ráðherra Pútín hefur fimmta kjörtímabilið með meiri völd en áður Sagðist saklaus af því að hafa drepið með eitruðum sveppum Verðhækkanir á döner-kebab eitt helsta áhyggjuefni Þjóðverja Geimskoti Starliner var frestað í nótt Segja nýjar reglur um merkingar blekkingarleik laxeldisfyrirtækja Ísraelsmenn í aðgerðum í Rafah og taka yfir landamærastöðina Tillagan „langt frá“ grundvallarkröfum Ísraela Ferðamannastaðir Færeyja lokaðir vegna viðhalds Bein útsending: Starliner ber geimfara til geimstöðvarinnar Hamas samþykkir vopnahléstillögu Sjá meira
Eins og fram kom í frétt Vísis fyrr í mánuðinum telst 757-þotan vera með of breitt vænghaf fyrir þennan eina flugvöll Færeyinga og má því ekki nota hann. Hún hefur engu að síður farið nokkrar ferðir með lax til New York og einnig til Brussel en sækja þurfti um undanþágu til danskra samgönguyfirvalda. Það eru þó ekki öryggisreglur danskra skriffinna sem eru raunverulega vandamálið heldur takmörkuð lengd flugbrautarinnar. Boeing 757-þotan er raunar þekkt fyrir að þurfa stutta flugbraut, miðað við svo stóra flugvél, og 1.800 metra löng brautin í Vogum dugar undir flestum kringumstæðum, eins og fyrir tveggja tíma flug með lax til Brussel. En ekki þegar hún þarf að komast fullhlaðin í sjö tíma flug til New York. Boeing 757-þota FarCargo, Eysturoy, lenti í fyrsta sinn á Vogaflugvelli þann 5. mars síðastliðinn.Jónis Albert Nielsen/jn.fo Með 35 tonn af laxi og fulla eldsneytisgeyma þarf hún um 2.100 metra langa braut til flugtaks. Í flugferðunum til New York til þessa hefur hún því þurft að taka á loft í Færeyjum með lágmarkseldsneyti en millilenda í Keflavík til eldsneytistöku með tilheyrandi aukakostnaði, eins og lendingargjöldum. Bæjarstjóri Þórshafnar telur fullreynt að flugvöllurinn í Vogum dugi til að mæta nútímakröfum og þörfum Færeyinga. Hann segir það pínlegt að ekki sé hægt að flytja verðmætustu útflutningsafurð eyjanna út með flugi. Hann vill því dusta rykið af aldarfjórðungs gömlum áformum um gerð nýs flugvallar á Glyvursnesi rétt utan við höfuðstað eyjanna. Heðin Mortensen, bæjarstjóri Þórshafnar, við Boeing 757-þotu FarCargo á Vogaflugvelli. Í Færeyjum er starfsheiti hans borgarstjóri.Heðin Mortensen/instagram Á þeim tíma var um tveggja stunda ferðalag milli Þórshafnar og Vogaflugvallar og þurfti að taka ferju milli eyjunnar Voga og Straumeyjar. Vogagöngin, fyrstu neðansjávargöng Færeyja, styttu aksturstímann niður í um 40 mínútur árið 2002. Árið 2012 var flugbrautin í Vogum svo lengd úr 1.250 metrum upp í 1.800 metra og áform um völl á Glyvursnesi voru lögð til hliðar. „Ég hef ákveðið að setja flugvöll á Glyvursnesi aftur á dagskrá. Ég ætla að kanna pólitískar undirtektir, kanna kostnað og fjármögnunarleiðir,“ segir Heðin Mortensen í viðtalinu við Kringvarpið og tekur fram að vinnan sé þegar hafin. Svona er flugbraut á Glyvursnesi teiknuð í skýrslu fyrir landsstjórn Færeyja frá árinu 2006.Landsverk Á Glyvursnesi er talið að koma megi fyrir 2.700 metra langri flugbraut sem myndi liggja í um eitthundrað metra hæð yfir sjávarmáli. Í skýrslu sem landsstjórn Færeyja lét gera árið 2006 kom fram að helsti kostur flugvallar þar væri nálægð við Þórshöfn en annar flugbrautarendinn yrði aðeins þrjá kílómetra sunnan bæjarins. Þessi nálægð var reyndar einnig nefnd sem ókostur vegna ónæðis sem flugvöllurinn gæti valdið byggðinni. Það var breski herinn sem upphaflega lagði flugvöllinn í Vogum á stríðsárunum sem bækistöð fyrir könnunarflugvélar og var hann tekinn í notkun árið 1942. Eftir að seinni heimsstyrjöld lauk gerði félag í eigu Færeyinga skammvinna tilraun til flugrekstrar. Það leigði Douglas Dakota-flugvél sumarið 1946 sem bauð upp á nokkrar ferðir milli Færeyja, Prestvíkur í Skotlandi og Kaupmannahafnar en áhugi reyndist ekki nægur til að standa undir rekstrinum. Nánast engin starfsemi var þar allt til ársins 1963 þegar tveir framámenn í bænum Saurvogi í samstarfi við Flugfélag Íslands beittu sér fyrir því að flugvöllurinn yrði lagfærður og opnaður á ný. Flugfélag Íslands, fyrst flugfélaga, hóf síðan reglubundið áætlunarflug á DC 3-vélum, þristum. Flogið var frá Reykjavík til Færeyja á þriðjudagsmorgnum en vélin fór svo til Bergen í Noregi og Kaupmannahafnar og aftur til Færeyja. Síðan hélt vélin til Glasgow og til baka til Færeyja áður en haldið var aftur til Reykjavíkur á föstudegi. Flugfélag Íslands og síðar Flugleiðir héldu lengi uppi áætlunarflugi milli Reykjavíkur og Færeyja á Fokker-vélum. Árið 1987 stofnuðu Færeyingar eigið flugfélag, Atlantic Airways, sem síðar tók yfir allt flug milli Íslands og Færeyja. Á því verður breyting þann 1. maí næstkomandi þegar Icelandair hefur á ný áætlunarflug til Færeyja, að þessu sinni frá Keflavík á Dash 8 Q400-vélum. Síðasta áætlunarflug Atlantic Airways frá Reykjavíkurflugvelli til Færeyja var árið 2018, sem sjá má hér: Stöð 2 fjallaði um flugmál Færeyinga í þessari frétt árið 2013:
Færeyjar Fréttir af flugi Samgöngur Lax Sjókvíaeldi Keflavíkurflugvöllur Icelandair Matvælaframleiðsla Reykjavíkurflugvöllur Danmörk Tengdar fréttir Boeing 757-þotan fær ekki að lenda í Færeyjum Áform færeyska fiskeldisfyrirtækisins Bakkafrosts um reglubundið flug með ferskan lax frá Færeyjum eru í uppnámi þar sem Boeing 757-fraktflutningaþota dótturfélagsins FarCargo fær ekki að lenda á flugvellinum í Vogum. Ástæðan er sú að 41 metra vænghaf hennar telst of breitt fyrir þennan eina flugvöll Færeyinga sem skilgreindur er fyrir allt að 36 metra vænghaf flugvéla. 10. mars 2024 10:40 Icelandair flýgur til Færeyja Icelandair tilkynnti Færeyjar sem nýjan áfangastað í dag. Flogið verður fimm til sex sinnum í viku með morgunflugi út október á næsta ári. 8. júní 2023 12:52 50 ár frá flugslysinu á Mykinesi í Færeyjum Fimmtíu ár eru í dag liðin frá flugslysinu á Mykinesi í Færeyjum þegar Fokker Friendship-vél Flugfélags Íslands rakst á hæsta hluta eyjunnar í aðflugi að flugvellinum í Vogum. Átta manns létust, einn Íslendingur og sjö Færeyingar. 26. september 2020 08:54 Síðasta flug til Færeyja frá Reykjavíkurflugvelli Áætlunarflugi milli Reykjavíkur og Færeyja lauk í dag, 55 árum eftir að flugsamgöngur hófust á milli höfuðborgar Íslands og nánustu frændþjóðar Íslendinga. 26. október 2018 21:15 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Fylgi Höllu hrundi eftir kappræðurnar á RÚV Innlent Eldvörp líkleg næst Innlent Meintur fjárdráttur mikið áfall fyrir starfsfólk skólans Innlent Facebook bannar Ástþóri að auglýsa Innlent Ellefu slasaðir eftir að flugtak Boeing 737 mistókst Erlent Börnum safnað saman og þau skotin Erlent María Sigrún birtir tölvupósta Dags Innlent Fylgjast grannt með gangi mála Innlent Samanburður við lóðamál olíufélaganna eins „fjarri sannleikanum og hægt er“ Innlent Skotið á íbúa Rafah og heilbrigðiskerfi Gasa hrunið Erlent Fleiri fréttir Börnum safnað saman og þau skotin Skotið á íbúa Rafah og heilbrigðiskerfi Gasa hrunið Ellefu slasaðir eftir að flugtak Boeing 737 mistókst Lýsa hræðilegu ofbeldi fyrir sjóslys þar sem tugir létu lífið Takmarkar hernaðaraðstoð verði gerð árás á Rafah Grænlendingar segja sig úr Norðurlandaráði Skýrustu merkin um lofthjúp um bergreikistjörnu til þessa Enn og aftur tafir á málaferlum gegn Trump Umfangsmestu árásir Rússa í nokkrar vikur Trump blótaði þegar Daniels lýsti meintu samneyti þeirra Hrina árása á þýska stjórnmálamenn veldur áhyggjum Um 800.000 Evrópubúar taldir hafa fallið fyrir kínverskri svikamyllu Bandaríkjamenn stöðvuðu vopnasendingu til Ísrael í síðustu viku Annar hvirfilbylurinn í Oklahoma á rúmum mánuði Segir Bandaríkjamenn þurfa að þrýsta á Ísraela Skotárás við heimili Drake Stormy Daniels í dómsal með Trump Lífverðir Selenskís sakaðir um að skipuleggja banatilræði Reynt að siga lögreglu á vitni í málinu gegn Trump Fundu hlerunarbúnað í fundarherbergi ráðherra Pútín hefur fimmta kjörtímabilið með meiri völd en áður Sagðist saklaus af því að hafa drepið með eitruðum sveppum Verðhækkanir á döner-kebab eitt helsta áhyggjuefni Þjóðverja Geimskoti Starliner var frestað í nótt Segja nýjar reglur um merkingar blekkingarleik laxeldisfyrirtækja Ísraelsmenn í aðgerðum í Rafah og taka yfir landamærastöðina Tillagan „langt frá“ grundvallarkröfum Ísraela Ferðamannastaðir Færeyja lokaðir vegna viðhalds Bein útsending: Starliner ber geimfara til geimstöðvarinnar Hamas samþykkir vopnahléstillögu Sjá meira
Boeing 757-þotan fær ekki að lenda í Færeyjum Áform færeyska fiskeldisfyrirtækisins Bakkafrosts um reglubundið flug með ferskan lax frá Færeyjum eru í uppnámi þar sem Boeing 757-fraktflutningaþota dótturfélagsins FarCargo fær ekki að lenda á flugvellinum í Vogum. Ástæðan er sú að 41 metra vænghaf hennar telst of breitt fyrir þennan eina flugvöll Færeyinga sem skilgreindur er fyrir allt að 36 metra vænghaf flugvéla. 10. mars 2024 10:40
Icelandair flýgur til Færeyja Icelandair tilkynnti Færeyjar sem nýjan áfangastað í dag. Flogið verður fimm til sex sinnum í viku með morgunflugi út október á næsta ári. 8. júní 2023 12:52
50 ár frá flugslysinu á Mykinesi í Færeyjum Fimmtíu ár eru í dag liðin frá flugslysinu á Mykinesi í Færeyjum þegar Fokker Friendship-vél Flugfélags Íslands rakst á hæsta hluta eyjunnar í aðflugi að flugvellinum í Vogum. Átta manns létust, einn Íslendingur og sjö Færeyingar. 26. september 2020 08:54
Síðasta flug til Færeyja frá Reykjavíkurflugvelli Áætlunarflugi milli Reykjavíkur og Færeyja lauk í dag, 55 árum eftir að flugsamgöngur hófust á milli höfuðborgar Íslands og nánustu frændþjóðar Íslendinga. 26. október 2018 21:15