Biljónsdagbók 23.09.2007 23. september 2007 00:01 OMXI15 var 7.640,65, þegar ég byrjaði á stefnumótunarferlinu yfir forrétti á Gordon Ramsay í London, og Nasdaq var 2.581,66 þegar ég var búinn að móta stefnuna og þjónninn bar fram aðalréttinn. "Það er þá á hreinu," sagði ég við Iwaunt Moore, "hvert er meginmarkmið og grundvallarstefna ká-dsjí-ví-pí-ess, Katla dsjíóþörmal vissdomm and páver senter: Við skilgreinum okkur á markaði sem leiðandi hátæknifyrirtæki í þekkingariðnaði og byggjum upp sérhæfða þekkingarþjónustu kringum þekkingarkjarna á nýtingarsviði hreinnar orku á grundvelli framtíðarsýnar sem felst í eignarhaldi á þeim auðlindum Íslands, sem aðrir fjárfestar eru ekki búnir að fá eignarhald yfir, meiri framlegð og trúverðugri og traustri umframarðsemi." Það tíðkast ekki á Gordon Ramsay að blóta yfir aðalrétti sem kostar yfirleitt 350 til 400 pund. Þess vegna litu nærstaddir upp með auðstéttarskelfingu í svip þegar Iwaunt Moore horfði á mig eins og naut á nýja virkjun og urraði: Vott ðu hell ar jú tokinga bát!? Ég sagði að þetta væru niðurstöður eftir stefnumótunarferli fyrir Katla dsjíóþörmal vissdomm and páver senter og stefnan væri einföld: Við ætluðum að græða pening, græða mikinn pening, græða meiri pening en nokkru sinni fyrr og græða út yfir gröf og dauða. Með hliðsjón af síðasttöldu stefnuatriði hefði ég notað orðið "framtíðarsýn" í stefnuyfirlýsingunni, áur missjón. Iwaunt Moore sagðist ekki trúa að Íslendingar létu okkur og útlenda spekúlanta hafa allar sínar auðlindir til eignar og einkaafnota um ókomna tíð. Þetta hlyti að vera grín. Ég sagði að þetta væri ekki meira grín en Geysirgrín. Nú vantar bara að finna moldríkan Íslending sem vill skrifa sig fyrir slatta af hlutabréfum í KDVPS, einhvern sem hefur meikað það á eigin verðleikum í útlöndum og Íslendingar fást til að trúa að sé í þessu með okkur af hugsjón. Óli er kominn í sniglaveislu með Grínistunum. Ég er þá að hugsa um að tala við Björk Eftir matinn á Gordon Ramsey hringdi í mig frá Íslandi einstæð móðir með tvö börn og spurði hvort ég gæti ekki hjálpað henni með húsaskjól yfir nóttina. Ég skil ekki í þessu fólki. Hvers vegna kaupir það sér ekki íbúð? Viltu birta grein á Vísi? Sendu okkur póst. Senda grein Jón Örn Marinósson Mest lesið Loftslagsávinningur Coda Terminal er gífurlegur Sigurður Loftur Thorlacius Skoðun Skaðinn í leyndri meðferð á heimilum Matthildur Björnsdóttir Skoðun Að verða fórnarlamb íslenskra skattyfirvalda Arnar Pálsson Skoðun „Eru ekki allir pínu einhverfir í dag?“ Andrea Ólafsdóttir Skoðun Bóluefni eða veirur Ágúst Kvaran Skoðun Tilgangur atvinnurekstrarbanns Lárus Sigurður Lárusson Skoðun Betri leið til að velja keppendur inn á Ólympíuleika Pawel Bartoszek Skoðun Af glyðrugangi eftirlitsstofnana Ester Hilmarsdóttir Skoðun 3.200 aumingjar (mín skoðun) Ole Anton Bieltvedt Skoðun Um vanda stúlkna í skólum Ragnar Þór Pétursson Skoðun
OMXI15 var 7.640,65, þegar ég byrjaði á stefnumótunarferlinu yfir forrétti á Gordon Ramsay í London, og Nasdaq var 2.581,66 þegar ég var búinn að móta stefnuna og þjónninn bar fram aðalréttinn. "Það er þá á hreinu," sagði ég við Iwaunt Moore, "hvert er meginmarkmið og grundvallarstefna ká-dsjí-ví-pí-ess, Katla dsjíóþörmal vissdomm and páver senter: Við skilgreinum okkur á markaði sem leiðandi hátæknifyrirtæki í þekkingariðnaði og byggjum upp sérhæfða þekkingarþjónustu kringum þekkingarkjarna á nýtingarsviði hreinnar orku á grundvelli framtíðarsýnar sem felst í eignarhaldi á þeim auðlindum Íslands, sem aðrir fjárfestar eru ekki búnir að fá eignarhald yfir, meiri framlegð og trúverðugri og traustri umframarðsemi." Það tíðkast ekki á Gordon Ramsay að blóta yfir aðalrétti sem kostar yfirleitt 350 til 400 pund. Þess vegna litu nærstaddir upp með auðstéttarskelfingu í svip þegar Iwaunt Moore horfði á mig eins og naut á nýja virkjun og urraði: Vott ðu hell ar jú tokinga bát!? Ég sagði að þetta væru niðurstöður eftir stefnumótunarferli fyrir Katla dsjíóþörmal vissdomm and páver senter og stefnan væri einföld: Við ætluðum að græða pening, græða mikinn pening, græða meiri pening en nokkru sinni fyrr og græða út yfir gröf og dauða. Með hliðsjón af síðasttöldu stefnuatriði hefði ég notað orðið "framtíðarsýn" í stefnuyfirlýsingunni, áur missjón. Iwaunt Moore sagðist ekki trúa að Íslendingar létu okkur og útlenda spekúlanta hafa allar sínar auðlindir til eignar og einkaafnota um ókomna tíð. Þetta hlyti að vera grín. Ég sagði að þetta væri ekki meira grín en Geysirgrín. Nú vantar bara að finna moldríkan Íslending sem vill skrifa sig fyrir slatta af hlutabréfum í KDVPS, einhvern sem hefur meikað það á eigin verðleikum í útlöndum og Íslendingar fást til að trúa að sé í þessu með okkur af hugsjón. Óli er kominn í sniglaveislu með Grínistunum. Ég er þá að hugsa um að tala við Björk Eftir matinn á Gordon Ramsey hringdi í mig frá Íslandi einstæð móðir með tvö börn og spurði hvort ég gæti ekki hjálpað henni með húsaskjól yfir nóttina. Ég skil ekki í þessu fólki. Hvers vegna kaupir það sér ekki íbúð?