Biljónsdagbók 15.7.2007 15. júlí 2007 00:01 OMXI15 var 8.701,60, þegar heilinn bilaði í sjálfvirku garðsláttuvélinni, og Dow Jones var 13.577,30 þegar vélin var búin að tæta 70 sentímetra skarð í gegnum dalíubeðið og mér tókst loks að stöðva hana mitt inni í rósareitnum sem Mallí var verðlaunuð fyrir á ársþingi Garðyrkjufélagsins í september. Mallí fór í rúmið og vélin fór í viðgerð. Mallí er ekki enn komin fram úr núna um miðnættið en vélin á að koma úr viðgerð ekki á morgun heldur hinn. Ég bankaði á svefnherbergishurðina um kvöldmatarleytið og spurði vingjarnlega hvort Mallí vildi ekki fá grillaða nautalund með bernes og öllu tilheyrandi. Ég lagði eyrað við hurðina ef vildi til að Mallí tuldraði undan sænginni. Ég dauðsé eftir að hafa lagt höfuðið svona þétt upp að hurðinni því að Mallí kastaði einhverju níðþungu í hurðina. Það syngur enn í eyranu á mér. Það er eins og áhugafólki um garðyrkju sé fyrirmunað að skilja að hátæknihlutir eins og sjálfvirkar garðsláttuvélar geta bilað. Rétt eins og við mannfólkið. Ég vona bara að Mallí komist í lag. Ég hefði ekki haft neinn að tala við í allan dag (ég kalla það ekki að tala að babbla við Elzbietu upp úr pólsk-íslenska orðalistanum) ef Stebbi í Neptúnus hefði ekki litið inn. Ég varð feginn að sjá hann birtast því að Stebbi veit allt um einkaþotur eftir að hann keypti sér eina í félagi með nokkrum útgerðarmönnum. Ég hef í meira en mánuð verið að reyna að ákveða hvort ég ætti heldur að kaupa Gulfstream 450 eða Gulfstream 550 og þarna birtist svo allt í einu maðurinn sem gat gefið mér sérfræðiálit og endanlegt svar. Því miður var Stebbi ófáanlegur til að segja mér hvort væri flottara að eiga Gulfstream 450 eða 550. Hann þusaði í tvo tíma út af sjávarútvegsráðherra og skerðingunni á þorskkvótanum og lýsti því fyrir mér hvað það væri skelfilegt að neyðast til að segja upp fólki. Ég sagði að það fylgdi bíssness að þurfa að taka óvinsælar ákvarðanir. Það væri okkar hlutverk að hugsa um rekstrargrundvöllinn og ég hefði samúð með honum en ég væri spenntari fyrir að fá álit hans á því hvort ég ætti að kaupa þotu sem hefði flugdrægni í einum rykk suður í Karíbahaf. Stebbi sagði taktlaust að vera að hugsa um einkaþotur. „Kvótaskerðingin á eftir að skilja mig eftir jafn sundurtættan og dalíubeðið þarna. Ég hef enga ánægju af að segja upp fólki sem vinnur vel og sættir sig við lág laun." - Kæra dagbók, við erum engu nær um hvora Gulfstream-þotuna er rétt að kaupa. Mallí var að koma fram. Viltu birta grein á Vísi? Sendu okkur póst. Senda grein Jón Örn Marinósson Mest lesið Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Nei þetta getur aldrei gerst á okkar litla Íslandi! Davíð Bergmann Skoðun Vaxtalækkun eða neyðarlög Ragnar Þór Ingólfsson,Ásthildur Lóa Þórsdóttir Skoðun „Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun Þjóðarmorð með vestrænum vopnum Ingólfur Steinsson Skoðun 10 staðreyndir um verðbólgu og ríkisfjármál Konráð S. Guðjónsson Skoðun Er eitt næturgaman þess virði? Reynir Böðvarsson Skoðun Skerðingar eru eðlilegur hluti af rekstri raforkukerfisins Magnús Sigurðsson Skoðun Læknar, heilbrigðisstarfsfólk og lykill að lausninni Áslaug Arna Sigurbjörnsdóttir Skoðun Break á ólympíuleikunum og önnur gildi í dansi Brynja Pétursdóttir Skoðun
OMXI15 var 8.701,60, þegar heilinn bilaði í sjálfvirku garðsláttuvélinni, og Dow Jones var 13.577,30 þegar vélin var búin að tæta 70 sentímetra skarð í gegnum dalíubeðið og mér tókst loks að stöðva hana mitt inni í rósareitnum sem Mallí var verðlaunuð fyrir á ársþingi Garðyrkjufélagsins í september. Mallí fór í rúmið og vélin fór í viðgerð. Mallí er ekki enn komin fram úr núna um miðnættið en vélin á að koma úr viðgerð ekki á morgun heldur hinn. Ég bankaði á svefnherbergishurðina um kvöldmatarleytið og spurði vingjarnlega hvort Mallí vildi ekki fá grillaða nautalund með bernes og öllu tilheyrandi. Ég lagði eyrað við hurðina ef vildi til að Mallí tuldraði undan sænginni. Ég dauðsé eftir að hafa lagt höfuðið svona þétt upp að hurðinni því að Mallí kastaði einhverju níðþungu í hurðina. Það syngur enn í eyranu á mér. Það er eins og áhugafólki um garðyrkju sé fyrirmunað að skilja að hátæknihlutir eins og sjálfvirkar garðsláttuvélar geta bilað. Rétt eins og við mannfólkið. Ég vona bara að Mallí komist í lag. Ég hefði ekki haft neinn að tala við í allan dag (ég kalla það ekki að tala að babbla við Elzbietu upp úr pólsk-íslenska orðalistanum) ef Stebbi í Neptúnus hefði ekki litið inn. Ég varð feginn að sjá hann birtast því að Stebbi veit allt um einkaþotur eftir að hann keypti sér eina í félagi með nokkrum útgerðarmönnum. Ég hef í meira en mánuð verið að reyna að ákveða hvort ég ætti heldur að kaupa Gulfstream 450 eða Gulfstream 550 og þarna birtist svo allt í einu maðurinn sem gat gefið mér sérfræðiálit og endanlegt svar. Því miður var Stebbi ófáanlegur til að segja mér hvort væri flottara að eiga Gulfstream 450 eða 550. Hann þusaði í tvo tíma út af sjávarútvegsráðherra og skerðingunni á þorskkvótanum og lýsti því fyrir mér hvað það væri skelfilegt að neyðast til að segja upp fólki. Ég sagði að það fylgdi bíssness að þurfa að taka óvinsælar ákvarðanir. Það væri okkar hlutverk að hugsa um rekstrargrundvöllinn og ég hefði samúð með honum en ég væri spenntari fyrir að fá álit hans á því hvort ég ætti að kaupa þotu sem hefði flugdrægni í einum rykk suður í Karíbahaf. Stebbi sagði taktlaust að vera að hugsa um einkaþotur. „Kvótaskerðingin á eftir að skilja mig eftir jafn sundurtættan og dalíubeðið þarna. Ég hef enga ánægju af að segja upp fólki sem vinnur vel og sættir sig við lág laun." - Kæra dagbók, við erum engu nær um hvora Gulfstream-þotuna er rétt að kaupa. Mallí var að koma fram.
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
„Naktir elskendur, Helga og Bjarni, liggja í faðmlögum, handleggjabenda á rauðum rúmfötum, umvafin mildri birtu“ Sigþór U. Hallfreðsson Skoðun