Afhentu þingflokksformönnum ályktun um fiskinn

Formaður Vinstri grænna í Reykjavík og formaður Samfylkingarfélagsins í Reykjavík afhentu í dag, þingflokksformönnum Samfylkingarinnar og Vinstri hreyfingarinnar græns framboðs ályktun stjórna félaganna um fiskiauðlindina í þjóðareign.

Kjartan Valgarðsson, formaður Samfylkingarfélagsins, og Sólveig Anna Jónsdóttir, formaður VG í Reykjavík, hvöttu þingflokksformennina til að beita sér fyrir því að ákvæðum stjórnarsáttmálans um að fiskveiðiauðlindinni verði komið í eigu þjóðarinnar verði framfylgt. Ályktunin var einnig samþykkt á fjölmennum fundi sem félögin héldu sameiginlega á laugardaginn.