Dollar fann kannabisefni á Ísafirði

Lögreglan á Vestfjörðurm fann tæp 70 grömm af kannabisefnum í gærmorgun.  Efnið fannst við húsleit á Ísafirði. Ungur maður var handtekinn í þágu rannsóknar málsins. Hann hefur viðurkennt að hafa átt efnið og ætlað það til dreifingar á svæðinu.

Manninum var sleppt að yfirheyrslum loknum í gærkvöldi, enda telst málið upplýst. Maðurinn hefur áður komið við sögu lögreglunnar vegna fíkniefnamála.  Fíkniefnaleitarhundurinn á Vestfjörðum, Dollar, var notaður við fíkniefnaleitina.