Björgunarsveitin Húnar aðstoða ferðalanga á Holtavöruheiði

Björgunarsveitin Húnar á Hvammstanga er nú að aðstoða ferðalanga á Holtavörðuheiði en þar er mikil hálka og vindur hefur slegið í og yfir 20 m/sek.

Björgunarsveitin Heiðar frá Varmalandi er einnig á leið á heiðina sunnan frá til aðstoðar.

Þegar þetta er skrifað hafa sex bílar lent utan vegar og einn oltið. Ekki er þó vitað um nein slys á fólki.

Vindur er eitthvað að ganga niður og skyggni á heiðinni er ágætt en eins og fyrr segir er afar hált samkvæmt upplýsingum frá Landsbjörg.