Fé safnað fyrir kvennadeildina - bein útsending á Stöð 2

Landssöfnun til styrktar Kvennadeild Landspítalans fer fram í beinni útsendingu á Stöð 2 í kvöld frá klukkan 19.50. Styrktarfélagið Líf stendur fyrir söfnuninni.

Kynnar kvöldsins verða Edda Andrésdóttir og Þorsteinn J. Vilhjálmsson, ásamt Unni Birnu Vilhjálmsdóttur og Kolbrúnu Björnsdóttur, sem verða í símaverinu. Sindri Sindrason og Sigrún Ósk Kristjánsdóttir úr Íslandi í dag standa vaktina á Kvennadeildinni sjálfri.

Þá hefur hópur handritshöfunda, undir stjórn Margrétar Örnólfsdóttur, samið leikna grínþætti sem tengjast starfsemi kvennadeildarinnar. Eins verður boðið upp á fjölbreytt tónlistaratriði. - sh