Segir sveitarfélögin gera lítið úr störfum leikskólakennara 17. ágúst 2011 06:15 Börn að leik Óvíst er hvort dyr muni standa opnar fyrir leikskólabörnum í landinu næsta mánudag. Ekkert hefur þokast í kjaraviðræðum og nýr fundur hefur ekki verið boðaður.fréttablaðið/hag Það er klárt verkfallsbrot ef aðrir starfsmenn leikskóla verða látnir manna stöður leikskólakennara í boðuðu verkfalli sem að óbreyttu hefst næstkomandi mánudag, segir Haraldur Freyr Gíslason, formaður Félags leikskólakennara (FL). Hann gagnrýnir harðlega framsetningu Sambands íslenskra sveitarfélaga (SÍS) á því hvernig hægt verði að halda deildum opnum í verkfalli með ófaglærðu starfsfólki og starfsmönnum sem ekki eru í FL. Haraldur segist finna fyrir mikilli samstöðu meðal starfsmanna í stéttinni sem eru utan FL. Hann segir félagið munu leita til félagsdóms ef lagaleg álitamál verði áfram til staðar, komi til verkfalls á mánudag. Haraldur segir að verið sé að gera lítið úr störfum leikskólakennara með þeirri framsetningu sem SÍS hefur haldið á lofti. „Þetta er túlkun sem stenst engan veginn. Í lögbundnum verkföllum gilda ekki sömu stjórnunarákvæði og í eðlilegu ástandi, heldur gilda allt önnur lögmál.“ Haraldur bætir við að hann hafi enga trú á því að annað starfsfólk á leikskólum muni sýna því áhuga að manna þau störf sem eftir standa ef til verkfalls kemur á mánudag. „Ég hef ekki fundið annað en samstöðu frá þessum hópum. Þá hef ég einnig heyrt af mögulegum samúðarverkföllum hjá starfsfólki sjálfstætt starfandi leikskóla,“ segir Haraldur. Halldór Halldórsson, formaður SÍS, segir það vera lagalegt álitamál hvort stjórnendum leikskóla beri að sinna þeim deildum sem muni lokast í verkfallinu. „Við viljum ekki brjóta nein lög. Það er alls ekki ætlunin að gera lítið úr aðgerðum leikskólakennara með þessum athugunum,“ segir Halldór. Hann segir starfsemi leikskóla munu breytast mikið komi til verkfalls, en bendir á að meira en helmingur starfsmanna á leikskólum séu ófaglærður. Þrátt fyrir það segir hann augljóst að verkfallið muni hafa mikil áhrif. „Við berum virðingu fyrir þessum réttindum og viljum gera þetta eins og heimilt er. En það er alls staðar verið að skoða þessi mál.“ Erna Guðmundsdóttir, lögmaður Félags leikskólakennara, er ósammála ummælum Halldórs og segir lög um verkfallsrétt skýr. „Það má einfaldlega ekki láta þá sem ekki eru í verkfalli ganga í störf annarra. Það má ekki auka þeirra störf sem eru ekki í verkfalli.“ Erna segir FL ætla að halda uppi verkfallsvörslu til að koma í veg fyrir að gengið verði í störf leikskólakennara. Halldór Halldórsson ítrekar að samninganefndirnar eigi að setjast við samningaborðið og klára málin fyrir mánudag. Hann segist skilja báðar hliðar vel og málið snúist ekki um að sveitarfélögin vilji ekki borga hærri laun. Peningarnir séu einfaldlega ekki til. „Þetta er ofboðslega erfið tímasetning og erfitt að eiga við hana. En ég skil kröfur þeirra, það er bara svo erfitt að koma til móts við þær við þessar aðstæður. En einhvers staðar hlýtur að vera hægt að mætast,“ segir Halldór. sunna@frettabladid.is Mest lesið Mohamad vill flytja af landi brott Innlent Mælir gegn notkun á teflonvörum Innlent Lést af völdum langvinnrar lungateppu og astma Erlent Fólk byrjað að fá forsetaafslátt Innlent Frétti á eftir samstarfsfólki að ekki væri óskað eftir vinnuframlagi Innlent Rannsaka þátt rútubílstjóra sem fylgdist með hraðanum í síma Innlent Eigandi Brimborgar gefur upp viðskiptakjörin Innlent Fékk 549.127 krónur í afslátt af bílnum Innlent Skökk gangstéttarhella eyðilagði líf Ragnheiðar Innlent Einn besti dagur sumarsins í Reykjavík um helgina Innlent Fleiri fréttir Hlaupið marki líklega upphaf á aukinni virkni í Kötlu Skorar á Guðrúnu að fallast ekki á lausn Helga frá störfum „Fólkið verður hreinlega að rísa upp“ Glæsileg 64 ára gömul rúta vekur mikla athygli Þyrlusveitin sinnti óvanalegu útkalli á Helgafelli Fólk byrjað að fá forsetaafslátt Mælir gegn notkun á teflonvörum Taumlaus græðgi, hlaup og umdeild bílakaup „Ekkert forsetabíla-hókuspókusprútt hér alla daga“ Frétti á eftir samstarfsfólki að ekki væri óskað eftir vinnuframlagi Einn slasaður í mótorhjólaslysi við Látrabjarg Íslenskir þjóðbúningar vekja lukku á Ólafsvöku Mohamad vill flytja af landi brott Enn mikið vatn í ám þótt dregið hafi úr rigningu Eigandi Brimborgar gefur upp viðskiptakjörin Einn besti dagur sumarsins í Reykjavík um helgina Rannsaka þátt rútubílstjóra sem fylgdist með hraðanum í síma Bílakaup verðandi forseta Heilmiklar skemmdir sem mun taka sinn tíma að gera við Engin merki um hlaupóróa lengur Kortleggja gamlar sundlaugabyggingar um allt land Ferðamenn í vanda í ám á Fjallabaksleið og Þórsmörk Fékk 549.127 krónur í afslátt af bílnum Hringvegurinn opnaður en ökumenn beðnir um að sýna tillitssemi Handteknir við að stela dósum úr gám Þrír drengir handteknir eftir rúðubrot og átök við lögreglu Vatnshæð lækkar áfram en hlaupið ekki alveg búið Málum vegna dyrabjöllumyndavéla muni fjölga Síðasta ávarp Guðna í embætti: „Þið eruð geggjuð!“ Rannsaka möguleika til kolefnisförgunar í Hvalfirði Sjá meira
Það er klárt verkfallsbrot ef aðrir starfsmenn leikskóla verða látnir manna stöður leikskólakennara í boðuðu verkfalli sem að óbreyttu hefst næstkomandi mánudag, segir Haraldur Freyr Gíslason, formaður Félags leikskólakennara (FL). Hann gagnrýnir harðlega framsetningu Sambands íslenskra sveitarfélaga (SÍS) á því hvernig hægt verði að halda deildum opnum í verkfalli með ófaglærðu starfsfólki og starfsmönnum sem ekki eru í FL. Haraldur segist finna fyrir mikilli samstöðu meðal starfsmanna í stéttinni sem eru utan FL. Hann segir félagið munu leita til félagsdóms ef lagaleg álitamál verði áfram til staðar, komi til verkfalls á mánudag. Haraldur segir að verið sé að gera lítið úr störfum leikskólakennara með þeirri framsetningu sem SÍS hefur haldið á lofti. „Þetta er túlkun sem stenst engan veginn. Í lögbundnum verkföllum gilda ekki sömu stjórnunarákvæði og í eðlilegu ástandi, heldur gilda allt önnur lögmál.“ Haraldur bætir við að hann hafi enga trú á því að annað starfsfólk á leikskólum muni sýna því áhuga að manna þau störf sem eftir standa ef til verkfalls kemur á mánudag. „Ég hef ekki fundið annað en samstöðu frá þessum hópum. Þá hef ég einnig heyrt af mögulegum samúðarverkföllum hjá starfsfólki sjálfstætt starfandi leikskóla,“ segir Haraldur. Halldór Halldórsson, formaður SÍS, segir það vera lagalegt álitamál hvort stjórnendum leikskóla beri að sinna þeim deildum sem muni lokast í verkfallinu. „Við viljum ekki brjóta nein lög. Það er alls ekki ætlunin að gera lítið úr aðgerðum leikskólakennara með þessum athugunum,“ segir Halldór. Hann segir starfsemi leikskóla munu breytast mikið komi til verkfalls, en bendir á að meira en helmingur starfsmanna á leikskólum séu ófaglærður. Þrátt fyrir það segir hann augljóst að verkfallið muni hafa mikil áhrif. „Við berum virðingu fyrir þessum réttindum og viljum gera þetta eins og heimilt er. En það er alls staðar verið að skoða þessi mál.“ Erna Guðmundsdóttir, lögmaður Félags leikskólakennara, er ósammála ummælum Halldórs og segir lög um verkfallsrétt skýr. „Það má einfaldlega ekki láta þá sem ekki eru í verkfalli ganga í störf annarra. Það má ekki auka þeirra störf sem eru ekki í verkfalli.“ Erna segir FL ætla að halda uppi verkfallsvörslu til að koma í veg fyrir að gengið verði í störf leikskólakennara. Halldór Halldórsson ítrekar að samninganefndirnar eigi að setjast við samningaborðið og klára málin fyrir mánudag. Hann segist skilja báðar hliðar vel og málið snúist ekki um að sveitarfélögin vilji ekki borga hærri laun. Peningarnir séu einfaldlega ekki til. „Þetta er ofboðslega erfið tímasetning og erfitt að eiga við hana. En ég skil kröfur þeirra, það er bara svo erfitt að koma til móts við þær við þessar aðstæður. En einhvers staðar hlýtur að vera hægt að mætast,“ segir Halldór. sunna@frettabladid.is
Mest lesið Mohamad vill flytja af landi brott Innlent Mælir gegn notkun á teflonvörum Innlent Lést af völdum langvinnrar lungateppu og astma Erlent Fólk byrjað að fá forsetaafslátt Innlent Frétti á eftir samstarfsfólki að ekki væri óskað eftir vinnuframlagi Innlent Rannsaka þátt rútubílstjóra sem fylgdist með hraðanum í síma Innlent Eigandi Brimborgar gefur upp viðskiptakjörin Innlent Fékk 549.127 krónur í afslátt af bílnum Innlent Skökk gangstéttarhella eyðilagði líf Ragnheiðar Innlent Einn besti dagur sumarsins í Reykjavík um helgina Innlent Fleiri fréttir Hlaupið marki líklega upphaf á aukinni virkni í Kötlu Skorar á Guðrúnu að fallast ekki á lausn Helga frá störfum „Fólkið verður hreinlega að rísa upp“ Glæsileg 64 ára gömul rúta vekur mikla athygli Þyrlusveitin sinnti óvanalegu útkalli á Helgafelli Fólk byrjað að fá forsetaafslátt Mælir gegn notkun á teflonvörum Taumlaus græðgi, hlaup og umdeild bílakaup „Ekkert forsetabíla-hókuspókusprútt hér alla daga“ Frétti á eftir samstarfsfólki að ekki væri óskað eftir vinnuframlagi Einn slasaður í mótorhjólaslysi við Látrabjarg Íslenskir þjóðbúningar vekja lukku á Ólafsvöku Mohamad vill flytja af landi brott Enn mikið vatn í ám þótt dregið hafi úr rigningu Eigandi Brimborgar gefur upp viðskiptakjörin Einn besti dagur sumarsins í Reykjavík um helgina Rannsaka þátt rútubílstjóra sem fylgdist með hraðanum í síma Bílakaup verðandi forseta Heilmiklar skemmdir sem mun taka sinn tíma að gera við Engin merki um hlaupóróa lengur Kortleggja gamlar sundlaugabyggingar um allt land Ferðamenn í vanda í ám á Fjallabaksleið og Þórsmörk Fékk 549.127 krónur í afslátt af bílnum Hringvegurinn opnaður en ökumenn beðnir um að sýna tillitssemi Handteknir við að stela dósum úr gám Þrír drengir handteknir eftir rúðubrot og átök við lögreglu Vatnshæð lækkar áfram en hlaupið ekki alveg búið Málum vegna dyrabjöllumyndavéla muni fjölga Síðasta ávarp Guðna í embætti: „Þið eruð geggjuð!“ Rannsaka möguleika til kolefnisförgunar í Hvalfirði Sjá meira