Stöðvaður fyrir að miða byssu á ökumenn

Maður var stöðvaður af lögreglunni á höfuðborgarsvæðinu í gær vegna gruns um að hann væri vopnaður.

Lögreglunni barst tilkynning um mann sem var að aka Miklubrautina seint í gærkvöldi. Hann miðaði byssu á fólk í næstu bifreið sem tilkynnti athæfið umsvifalaust til lögreglunnar.

Að lokum hafði lögreglan uppi á manninum og kom þá í ljós að vopnið reyndist vera leikfangabyssa. Maðurinn var ekki handtekinn en nafn hans tekið niður. Hugsanlega er um brot á vopnalögum að ræða.