Axarárásarmenn látnir lausir

Lögreglan hefur sleppt öllum fjórum mönnunum sem handteknir voru í gær vegna árásar með exi á tvo menn á Selfossi í gær.  Málið er upplýst og fyrir liggur að ástæða árásarinnar var einhverskonar uppgjör þess sem beitti exinni og hins sem varð fyrir henni.

Lögreglan á Selfossi naut aðstoðar frá sérsveit og fjarskiptamiðstöð ríkislögreglustjóra og lögreglustjórans á höfuðborgarsvæðinu í þessu máli. Það verður svo sent ákæruvaldinu sem mun taka ákvörðun um framhald þess.