Þrjú þýsk herskip á leið til Reykjavíkur

Þrjú þýsk herskip með hátt í 700 manns um borð,  munu leggjast að Skarfabakka upp úr klukkan níu, þeirra á meðal herskipið Berlín, sem er stærsta  herskip þjóðverja.

Skipin verða hér í nokkra daga og mun stór björgunarþyrla af einu skipanna verða á bakvakt hjá Landhelgisgæslunni á meðan á heimsókninni stendur, en Gæslan hefur nú aðeins eina þyrlu til afnota, þar sem hin er í skoðun.

Þýska þyrlan verður vistuð í flugskýli Gæslunnar á Reykjavíkurflugvelli.